獨家丨麥美恩約老友high tea 周奕瑋為駱胤鳴拿袋顯風度

2022-06-10 07:00

麥美恩、周奕瑋及駱胤鳴三人有何共通點？就是同於TVB《娛樂新聞台》出任主播，相識於微時，難得友誼可以保鮮至今。日前三人去咗又一城high tea，更一傾就傾足兩個鐘，雞啄唔斷。之後再去逛商場，周奕瑋仲幫駱胤鳴拿大紙袋，方便她在店內四圍看，盡顯男士風度。採訪：娛樂組

麥美恩已調往拍劇及做綜藝節目主持，而駱胤鳴已離開TVB繼續做歌手及寵物美容師，至於周奕瑋則繼續在《娛樂新聞台》工作，雖然工作範疇已不同，但三人私下依然老友。

三人在港女至愛餅店high tea，一傾便傾足近兩個鐘。

一邊食一邊傾，期間駱胤鳴和麥美恩（左）笑得十分開懷。

之後三人在商場逛，周奕瑋和駱胤鳴各拿着黑色大紙袋。

三人去了一間百貨店，不過冇收獲。

去港女至愛餅店high tea

當日傍晚時份，麥美恩、駱胤鳴及周奕瑋現身港女至愛的M字蛋糕店，三人邊食邊傾，可能太耐冇見，一傾就傾足兩個鐘，期間兩女還不時大笑，傾得相當開心。之後食完Tea就去商場四圍行，駱胤鳴和周奕瑋都拎住一個黑色大紙袋，後者為方便前者睇嘢，入舖前主動幫駱胤鳴拎大袋，相當有紳士風度。三人得個行字冇收獲，之後再步往另一間日資商店，仍然冇嘢睇啱，覺得時間差唔多，三人一邊行一邊傾，再步往商場的士站一齊坐的士離開。