菲傭死因研訊｜女傭中心無保留死者驗身等紀錄 官痛斥本末倒置

46歲菲傭2016年底來港為美孚一戶人家工作，疑因工作過於繁重3個月後辭職，通知期內在僱主單位內猝死。涉案女傭中心東主今於死因庭供稱，死者驗身報告、工作要書等文件一律不留紀錄，「我當時唔知道工人會出呢件事，所以冇每一個步驟都做紀錄」，遭何官痛斥「你噉係本末倒置呀，唔係出咗事先做紀錄㗎！」

菲律賓籍死者Leonita Arcillas Quinto 2016年12月11日來港，到美孚新村一所住戶工作，協助照顧一家四口包括女僱主、丈夫以及一對兒子，翌年3月19日辭職，4月4日離世。涉案大眾通女傭中心東主李偉康作供提到女僱主2016年聘用死者，當年9月先由女僱主在工作要書（Job Order）上簽署，再寄到菲律賓當地公司，由死者到場簽署。問到工作要書可有紀錄時，李答「唔記得」，死因裁判官何俊堯反問紀錄經電郵到菲公司，需要報稅要保留7年，何以沒有紀錄？李答「搵唔到唔好意思」，追問下又答到「交晒畀僱主，唔保留紀錄」，公司電腦故障後曾經全部更換，「部分紀錄冇咗」，何官提醒「你噉犯法㗎」，李承認「有啲唔啱」。

何官繼續追問公司電腦何時更換、單據有否紀錄，李指2年多3年前更換，同樣沒有紀錄，何官問到可有報稅李也不記得，「唔好意思呀我疏忽」。李其後又再解釋「可能有人送電腦畀我哋」，何官警告「我哋會繼續查落去，你頭先宣誓（作供），查落去唔係（事實）呢好大件事，我唔會隨便放過人亂咁講啲嘢」。

李續交代死者來港後驗身報告同樣沒有紀錄，聲稱報告直接交給僱主，毋需保留，如有問題便會即時跟進。李其後提到文件沒有保留副本好好保存，解釋因辦公室不大，次要文件不會保留，只得近兩年文件檔案，又辯解「我唔知法律上應該點做，6年前嘅事㗎嘛，我唔記得呀嘛，我當時唔知道工人會出呢件事，所以冇每一個步驟都做紀錄」。何官聞言痛斥「你噉係本末倒置呀，唔係出咗事先做紀錄㗎！工人嘅事你都要做紀錄」。

法庭記者：陳子豪

立即下載｜全新《星島頭條》APP：https://bit.ly/3yLrgYZ