Juicy叮｜港媽教仔「唔想辛苦就畀心機讀書」石油氣工人大方回應獲讚

職業無分貴賤，各行各業都值得敬重。一名任職石油氣運輸的工人於社交網發文指，在工作期間遇到一對母子，兒子看到石油氣罐感好奇，母親竟無禮地當面稱「你唔想好似叔叔咁辛苦就要畀心機讀書」。不過該名工人不但沒有生氣，其大方回應更獲得網民讚賞。

任職石油氣運輸的工人於facebook群組「大埔人大埔谷」發文指，近日在街上運送石油氣罐時，遇到一對母子。男童見到石油氣似乎甚感好奇，遂向其母親詢問，「呢啲咩嚟㗎」， 母親則解釋，「呢啲叫石油氣，好重㗎」。男童繼續追問，「咁叔叔咪好辛苦？」，母親隨即「把握機會」勸喻孩子，「你唔想好似叔叔咁辛苦，就要畀心機讀書」。

樓主聞言不但未有生氣，更大方直言，「叔叔就係細個冇讀書，大個咗就做運輸」，更自嘲稱「做到運都輸埋」，並向男童寄語，「你唔想同叔叔一樣咁辛苦，就要好好讀書，大個咗就唔會咁辛苦。記得做個好人！」。樓主亦在帖文中笑言，「其實送石油氣又有咩好怕喎，生命冇希望，前路唔使創」。

港媽街頭無禮教仔，石油氣工人大方回應獲讚。FB圖片

帖文引起網民熱論，不少網民批評該母親的行為無禮貌，「其實讀唔讀到書，同大個做咩工係無關係，唔應該咁教個小朋友」、「每個工種都有人做，唔好睇小人，每個工作崗位都有其重要」、「咁教個小朋友咪錯哂囉，職業無分貴賤呀！」；亦有網民讚樓主的回應得體，「辛苦嘅工作，更值得令人尊敬」！

資料來源：大埔人大埔谷

立即下載｜全新《星島頭條》APP：https://bit.ly/3yLrgYZ