郭晉安回味豐盛人生 30年前TVB最紅小生花旦珍藏照出土

入行36年的郭晉安一直是好好先生，與圈中不少人交好，他今日在社交網站上載了一張昔日相片，更留言說：「認到邊幾個，那些年，回憶。」

見到相片上的年份是1991年，即是足足30年前的舊照，著實考起不少網友，見到安仔當年眼大大長相清秀，不少網民更一眼便認出了同樣沒變的羅嘉良及溫兆倫，除了三子外更見劉錫明、鄧萃雯、梁藝齡、黎美嫻及李婉華，而相中的9位藝人，除了郭晉安仍效力TVB拍攝劇集，其他人都已轉戰其他地方發展，而梁藝齡與黎美嫻都已淡出娛樂圈。

 

唔經唔覺，安仔入行超過30年。

當年TVB小職員Sermon（左上）畀咗張咁經典嘅相安仔，讓大家重溫那些年。

 

郭晉安今日以短訊回覆，透露大家已經沒有再聯絡，而當時是TVB最當紅的小生花旦一齊去泰國，他說：「當年泰國嘅泰王生日，邀請所有TVB小生花旦表演，差唔多最紅嘅都去晒！大家要着到一式嘅制服白恤衫打領呔。」他表示自己沒有收藏這張照片，見到亦覺得很難得：「當年仍然係TVB海外發展部一個小職員嘅Sermon，佢都有影大合照，而家已經成為高層，前日喺sales presentation，佢比我嘅！」有否感覺時光飛逝？安仔說：「冇喎，我覺得生活好豐盛，建立咗好多嘢，發生過好多嘢！又攞咗三屆視帝！」

 

郭晉安在1985年加入TVB，先後三次封視帝，與羅嘉良和黎耀祥齊齊保持獲封視帝最多次數紀錄。

安仔做咗人夫及人父，擁有幸福家庭。

 

 

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ