獨家丨陳敏之好鍾意一個人Shopping 43歲一身Pink行街

43歲的陳敏之(Sharon)雖然已屆中年，但都跟得好貼，為爭取曝光開YouTube頻道，約藝人老友吹吓水，題目吸引時仲可以見報，最新有請嚟老友胡定欣講感情，好多傳媒都有轉載。日前下午，着粉紅色衫加帽嘅陳敏之獨自喺又一城行街，買完童裝再買飯糰，最後落埋超市，買到一袋二袋再揸車返歸，一個人行街都可以好開心。採訪:譚壹致
 

 

之前TVB節目《識貨2》安排藝人參加比賽，最終陳敏之以近42萬元銷售額成為總冠軍，就知陳敏之把口有幾勁，開YouTube真係啱晒佢，最新上架嘅有請嚟兩屆視后胡定欣大談感情觀，定欣直言自己太過理智成為感情嘅阻礙，仲話相比起事業再創高峰，佢情願搵到「Mr. Right」。

獲《識貨2》總冠軍。

胡定欣接受敏之的頻道訪問。

忠實飯糰迷

當日下午，一身Pink，連口罩都係粉紅的Sharon先去無印睇衫，見佢睇針織衫、家品同文具，又睇吓啲兒童遊戲產品，再講住電話睇童裝，逗留半個鐘，買咗啲小朋友外套仔。然後就去買咗兩件飯糰，之前都影過佢專登去買飯糰，睇嚟佢好鍾意食，鐵粉嚟嘅。最後再去行超市買生果，揀咗唔太耐，最後買埋口罩，都係唔係第一次影到Sharon單拖去Shopping，其實一個人行街都幾好，唔使等人，鍾意行邊就行邊，買完嘢就行去停車場攞車離開。

睇家品都用咗唔少時間。

又睇吓大人針織衫。

樣樣都好有興趣。

揀衫仔畀囝囝。 ​

敏之好鍾意買飯糰。

兩隻手拎住好多嘢。

拎住一袋二袋去攞車。

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ