衞蘭第5次開紅館騷跟老師學唱歌改壞習慣

2022-05-25 19:00

衞蘭（Janice）相隔四年再踏紅館舞台，《Janice Be Still Live 2022》將於7月9至11日舉行，今次是她第五次個人紅館騷，Janice雀躍表示：「今次會開四面台，希望可以近啲，多啲同歌迷互動，製作上面同揀歌等等，我都參與好多呀，不停開會研究，點樣可以做到最好。個演唱會名都係我構思，因為之前疫情，一個人坐係屋企，經常都亂諗嘢，有過擔心同憂慮，世界會變成點呢？我又會變成點呢？然後就睇到呢一句經文︰ Be Still。希望藉此提醒自己及大家，世界被疫情和各種不穩定情況下所困擾，但必須保持心靈平靜，處變不驚，將心靜下來，細心聆聽自己的心意，好好照護自己的需要。」

《Janice Be Still Live 2022》將於7月9-11日舉行。

今次是衞蘭第五次個人紅館騷。

踏入40歲，Janice自覺人生目標更清晰，坦言現在是為自己而活：「女人40係一個好開始，我覺得好開心、好健康，同埋好放鬆，我仲覺得自己好似新人咁，因為音樂是無限探索的，我而家有跟老師學唱歌，因為我唱歌有啲壞習慣，喺咬字及運氣上未運用到最好，所以要有改進。」此外她更展開地獄式訓練增強體能，笑言以前減肥為別人而減，現在減肥為自己的健康！至於疫情中能與樂迷聚在紅館，Jancie覺得非常難得及珍惜，還透露其中一部份會邀請一班好朋友上台表演，將會是感動又熱鬧的環節。