楊明燉湯店租約完實體店全執笠轉做網購及批發唔使交貴租

2022-05-23 18:30

新冠疫情持續2年多，數次停晚市堂食都令許多餐廳收入大減，最終結業收場。近日有傳楊明於2018年開業的燉湯店「燉養生」入不敷支，即使開源節流都難頂每月7位數租金，早前已將剩餘的6間分店結業。

楊明於2018年投資開燉湯店「燉養生」。

疫情下生意大減，仲要捱貴租。

近日有傳「燉養生」入不敷支已全線結業。

近日有網民行街留意到，「燉養生」於各區部份分店2月中開始已經閂晒門，即使近日有返晚市堂食都冇開門。而facebook專頁亦由2月開始沒有更新，因而惹來全線結業傳聞，更有傳「燉養生」將會改名，等待時機東山再起。就傳聞楊明及女友莊思明回覆傳媒，承認全線門市因租約完結而結業，但強調品牌仍會做落去，現時會主力搞網購及批發生意。更指好多餐廳都搵佢哋入貨，力谷批發同網購唔使交貴租，相信收入會好好多。