車Cam直擊|尖沙嘴女子疑差錯腳 失平衡衝前仆倒

2022-05-22 09:40
一名女子疑因急步行而「差錯腳」,在即將仆倒之際盡力跨步向前進,雙手水平向後伸直、上身前傾,姿勢激似「火影跑」。FB影片截圖
一名女子疑因急步行而「差錯腳」,在即將仆倒之際盡力跨步向前進,雙手水平向後伸直、上身前傾,姿勢激似「火影跑」。FB影片截圖

過馬路切忌心急!有網民昨日(21日)在社交媒體Facebook群組上載一段車Cam片段,當中可見,片主駕車沿尖沙嘴加拿分道行駛,至與金巴利道交界停下讓行人過路,此時一名手持電話的女子疑因急步行而「差錯腳」,但在即將仆倒之際卻能短暫穩住平衡,盡力跨步向前進,雙手水平向後伸直、上身前傾,惟跨出4步後最終仍在另一邊跌倒在地。

片主事後在帖文幽默「評述」事件,形容「絕冇插水之嫌,難度分9.8」,並提醒一眾網民要「小心過馬路」。不少谷友都指涉事女子的姿勢激似日本動漫作品《火影忍者》中角色的奔跑步法「火影跑」,紛紛留言表示「佢只係突然想火影跑」、「火影嚟咗香港」,亦有人打趣指「呢個時候應該有個霸道總裁,從車上落嚟,用居高臨下嘅眼神問:『小姐,妳無事嘛?』」、「推頭」、「起飛失敗」、「衝線咁款」、「影相啱啱贏過馬鼻,99倍冷馬跑第一」。。

不過亦有網民認為片主情況其實相當危險,「睇住車嚟都衝,快兩步就快一生,有時害埋司機,某幾區啲人過馬路老奉慢行,有啲直頭唔睇燈彈出,真心唔抵爭」,又有人指香港路面不太平坦,行走間容易發生危險,「間中會有少少凸起,只係睇你踢唔踢正凸起個位」。

影片來源:「車cam L(香港群組)」FB

立即下載|全新《星島頭條》APPhttps://bit.ly/3yLrgYZ

關鍵字

最新回應

關鍵字

相關新聞

熱門文章