Juicy叮|狼狽港媽帶兩孩搭的士無帶銀包 司機不收費兼借出300元應急

2022-05-19 17:12
港媽搭的士無帶銀包,司機不收費兼借出300元應急。示意圖片
港媽搭的士無帶銀包,司機不收費兼借出300元應急。示意圖片

早前香港連日大雨,一名港媽帶同2名小朋友搭的士時,匆忙之間沒有帶現金,而的士司機不但沒有收錢,反而主動向她借出300元現金應急,最後港媽收下100元的現金。

一名港媽在Facebook群組「西環變幻時發文」,帶兩個小朋友搭的士去西營盤做視力檢查,豈料的士抵達目的地,她才發現因為換了手袋所以無帶錢包,不知如何是好。她於是想以電子支付,但司機又沒有開辦電子支付工具。

然後司機於是問「有冇散紙啊?」,她「摷吓個袋,真係一毫子都無」。然後司機竟然話:「咁我畀錢你啦」她原本以為對方開玩笑,豈料對方再問:「二百夠唔夠啊?我畀夠三百你啦」

她形容,「原來佢真係唔係講笑,佢可能見我一個女人仔湊住兩個細路又落雨咁,想畀啲車錢我地返屋企。我嗰刻真係有說不出嘅感動,我都多次拒絕,最後都係收咗司機叔叔一百蚊」。她事後已經經銀行轉賬給的士司機,並感謝對方俠義相助。

不少網民稱讚的士司機的熱心助人,有人透露「我也遇過好好的士司機,十多歲,畀錢時啱啱好夠車錢,佢聽到話就唔收我錢,怕我唔夠錢傍身,我要照畀佢都只收一半。再小時侯發燒抽筋,我媽咪抱我搭的士去醫院,遇到幾次司機都見情況緊張,唔肯收錢叫我媽咪快啲落車衝入急症室。我遇到好多的士司機都好好人。」

 

關鍵字

最新回應

關鍵字

相關新聞

熱門文章