車Cam直擊｜大埔工業邨踩單車橫跨馬路 女車手遭的士撞至碌上車頭冚

馬路如虎口，駕駛者應時刻留意交通情況，行人亦應正確使用道路。網上流傳一段影片，一名女子騎單車胡亂橫過大埔工業邨一條馬路，遭剛巧開車之的士撞跌。

有網民在社交媒體Facebook群組「馬路的事討論區」上載車Cam片段，事發於周三（4日）早上7時許，片主駕車與旁邊一輛的士正在大發街與大鴻街交界等候轉燈，一名騎單車女子則正從左方出現，欲橫跨馬路到對面行人路。此時，交通燈轉為綠燈，的士司機疑無注意到該名女子，踩油向前並與對方發生碰撞，女子被炒起並碌上的士車頭冚，再跌倒在地。她其後自行起身，拾起散落地上的個人物品。

影片引起網民討論，不少人都批評該名女子亂過馬路的行為，「唔識過馬路唔好出街害人」、「踩單車真係大晒！又係唔望人就以為自己會贏面大！」、「單車錯，佢踏車出馬路已算是駕駛者」、「踩單車嘅真係好多人都唔睇燈」。亦有網民認為的士司機都有錯，「單車係唔啱，但的士咁都睇唔到撞埋去，唔適宜再揸車」、「雖然個女人唔抵幫，但係個的士司機都係盲㗎喎」。

資料來源：「馬路的事討論區」FB

立即下載｜全新《星島頭條》APP：https://bit.ly/3yLrgYZ