瘋狂校巴公路硬倒車 後面車遭夾實拖行險壓扁 網民：比睇恐怖片更恐怖

有網民分享車cam影片，拍到今日(18日)下午一架校巴懷疑錯過路口，竟在高速公路硬倒車，夾實其後面私家車倒後拖行，有關私家車隨時被壓扁，發片的網民未有交代涉事校巴當時有否學童在車上，片段惹來不少網民嘩然：「(私家車)真係有機會俾佢(校巴)壓扁，畀(比)睇恐怖片更恐怖。」

從影片看到事發時間在今日下午約一時四十八分，地點估計為屯門公路，片主指有關旅遊巴士屬某辦學團體幼稚園或小學的校巴，當時懷疑因為錯過路口，突然在高速公路倒車，跟在其後的一架私家車首當其衝，被夾實向後拖行，在拖行約五六秒後，私家車倒後駛開，終能甩開校巴。

影片截圖

網民直斥有關校巴涉嫌危險駕駛：「如果後面26(即電單車)就變肉醬。」「危駕走唔甩。」「如果我係私家車司機實畀佢嚇死，眼白白睇住旅遊巴係咁車過嚟，真係有機會俾佢壓扁，畀（比）睇恐怖片更恐怖。」「以為睇緊倒播。」「旅巴司機真係有病。」「如果係以前無Cam年代，旅遊巴隨時會屈私家車撞佢。」

影片來源：車cam特警

立即下載｜全新《星島頭條》APP：https://bit.ly/3yLrgYZ