車cam直擊｜駝背老伯扶車仔馬路冒險截的士 暖男停車「護航」車龍自動繞過

網上流傳影片見到有不良於行的駝背老伯，扶著車仔作柺杖危站馬路中央截的士，車來攘往，險象環生，幸好一名好心司機停車「護航」，其後車龍亦自動兜開走，未有做出響咹等不耐煩舉措，非常有愛，該好心司機其後更落車替伯伯截的士，備受網民激賞。

據有關影片顯示，這件暖心事件發生在上周五(13日)下午四時半左右，地點在長沙灣道鄰近貿易廣場，影片看到該名老伯走至馬路中央曾成功攔截到一部的士，當伯伯坐上的士後，又被的士司機叫走，據上載影片的事主表示，該的士司機「開咗門發現係老人家就趕人走」。

影片截圖

老伯起初截到的士，但又被司機叫走。影片截圖

後來將車停下「護航」的司機下車，扶著該老伯到馬路邊截的士，起初一部的士停下，但未幾又駛走，據事主表示：「我揮手就即刻衝過嚟，點知一見到老人家就即刻冚旗唔做生意。」事主繼續有耐性地替老伯截的士，最後成功截到並扶老伯上車。

影片截圖

網民紛紛讚賞這位暖心司機的仗義行為：「片主已很善心助伯伯了，祝片主好人有好報，永遠健康快樂。」「白Tee哥哥樂於助人，有善良之心，必有褔蔭，家宅平安！」「哥哥仔又靚仔又好心，一定有祝福。」「吾怕麻煩，去照顧老人，謝謝你。」

對於先後有兩部的士拒載，有網民認為可以諒解：「其實又唔可以怪的士司機喎，如果在中線上落客有任何意外，責任誰屬？只見容許其上車的司機都是在慢線情況讓老伯上車，否則釀成意外嚴重性，所造成傷亡人數可能更加多。」

車龍自動繞行。影片截圖

車龍自動繞行。影片截圖

最後成功截到的士。影片截圖

另外對於有網民認為暖心司機應該「送佛送到西」，接載該位老伯，該司機其後在網上解釋：「見到有人問點解唔車埋伯伯走，其實有諗過，不過因為我部車太細尾箱擺唔落部車仔，同埋車身太矮避震太硬，我怕伯伯條腰頂唔順。」

影片來源：車cam特警

立即下載｜全新《星島頭條》APP：https://bit.ly/3yLrgYZ