Juicy叮｜食客叫外賣飲品疑混雜墨水 食店拒道歉：你咪擺上網囉
2022-05-02 15:56 
有網民在facebook群組將軍澳主場發文，稱在將軍澳坑口村一間食店買外賣，打開飲品杯蓋後發現飲品中疑混雜了藍色墨水，原來是用馬克筆寫在杯蓋的字化開了，但店家一於少理拒絕道歉，令網民極度不忿。
發文者打開兩杯外賣飲品，竟然發現藍色墨水在內，於是致電食店投訴，店家用水溶性馬克筆在杯蓋中間的飲管位寫字有問題。然而接電話的一名女店員卻不覺得一回事，「咁點呀？你想點？咁使唔使退錢呀？定你想落嚟換呀？咁我哋今日好多外賣呀嘛！」
發文者不滿態度惡劣，指：「唔使啦！其實我想要句唔好意思啫！你而家仲係咁態度！我實擺上網畀負評！」對方還囂張地説：「你咪擺囉！」
發文者批評，「成日叫外賣都唔會發生呢啲咁低級錯誤嘅事。諗住同佢講聲啫，點知換黎態度勁差，十分晦氣嘅回答。一句唔好意思都唔講。覺得我想攞着數，感覺好差。雖然無咗兩杯飲品好小事，但我以後都唔會幫襯 。」
有網民就指發文者應該向食環署舉報，又指應該杯葛食店「既然間餐廳咁忙，我哋唔好阻佢啦。為咗減少佢workload ， 一於少啲幫襯，等佢哋多啲時間休息吧」。
資料來源：「將軍澳主場」FB
立即下載｜全新《星島頭條》APP：https://bit.ly/3yLrgYZ
最新回應