C.Y. Kong連Po三首歌回應抄歌嫌疑 網民批累COLLAR受罪

天王天后御用作曲、編曲兼監製C.Y. Kong（江志仁） ，為女團COLLAR作曲、編曲兼監製的新歌《Gotta Go!》，今日推出即惹大量網民質疑抄襲日本二人組合YOASOBI的成名作《向夜晚奔去》（夜に駆ける）。

 

COLLAR今日推出新歌《Gotta Go!》，被質疑抄襲。

 

《Gotta Go!》由知名音樂人C.Y. Kong炮製。

 

COLLAR新歌被質疑抄襲日本二人組合YOASOBI的成名作《向夜晚奔去》。

 

《Gotta Go!》的MV今晚8時於YouTube上架，即時引來Fans收看之餘，亦有不少網民洗版留言再次批評歌曲疑似抄襲，「一首歌入面可以聽到2首歌嘅享受《入間同學入魔了！》同 YOASOBI嘅《向夜晚奔去》，作曲好有心機，品味都不差 🙃」、「作曲自己出嚟謝罪喇，抄完歌比新人唱又推啲新人出嚟受罪」，又有網民大讚MV拍得好睇，不過疑似抄襲的歌曲毁咗成個團隊的努力，「成個mv明明拍得好好，背後個意義又帶到出嚟，就係毁咗係一人之手😑好唔抵。」更有網民發現C.Y. Kong的IG本身都有follow YOASOBI兩位成員，相信他也很欣賞他們的音樂。亦有網民質疑抄襲日本歌曲做日本產品的廣告歌，未知會否被廣告商怪罪。

 

有Fans覺得浪費咗個靚MV。

 

擔心廣告商問罪。

 

有網民質疑唔止抄一首歌。

 

戥COLLAR唔抵。

 

C.Y. Kong似乎都睇到網民批評及質疑，今日於IG限時動態連Po三首歌的旋律，似乎是想表示好多歌都好類似，認為網民不應單一地對比部份歌曲。
 

C.Y. Kong連Po三首歌的旋律，似乎是想表示好多歌都好類似。

 

網民發現C.Y. Kong都有好欣賞Jpop歌手。

 

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ