林師傑夫婦英國首玩Car Boot Sale 做小販賣二手衫驚訝殘Tee有人吼

去年10月，TVB前藝人林師傑 (Auston)及港姐出身的老婆歐陽巧瑩 (Tammy)帶埋兩隻愛犬移居英國。當時Auston表示想開農場，「可以經營B&B招待你哋嚟住，我又會繼續整理舊車，畀你哋可以租我車用，享受郊外體驗。」

 

從兩公婆嘅IG可以睇到兩人嘅新生活相當快樂，近日兩人參加人生第一次嘅Car boot sale ，喺一個空地上，好多人揸車去擺檔賣嘢，活動全程7個鐘，朝六午一，兩人五點鐘就出發，仲見到好靚嘅日出，林氏夫婦拎咗大量二手衫褲鞋去賣，仲用燈架及相機架嚟掛衫，只賣咗兩個鐘就賺咗2,000蚊港元，最後結算拎返350英鎊(約3,440港元)。

 

兩人五點鐘就出發。

放咗好多香港帶嚟着唔到嘅衫。

林師傑對首做小販好期待。

用腳架做衣架掛衫。

開檔嘞。

衫褲鞋乜都有。

兩個鐘就賺咗2000蚊港幣。

林太話仲有好多貨，因為呎吋太細。

活動歡迎寵物。

 

對於呢個人生第一次，林師傑覺得好得意，「啲人會過嚟傾偈，有個好潮嘅女仔睇中我件瞓覺衫，件衫殘到一個點，好奇怪，每個人喜好真係唔同，要嘅嘢都唔一樣，好搞笑。」林太覺得好好玩，預告5月1日會再去過，地點係Furnace End Market CV10 0QU ，想同兩公婆吹吓水嘅人Mark低地址嘞。

 

完場賺咗350鎊。

對於有女子睇中殘爆瞓覺Tee，林師傑覺得好有趣。

預告嚟緊周日再去。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ