游學修曾誓言絕不與同事拍拖 怕無心工作連公司都畀埋女友

游學修與許賢、蘇致豪於2020年創立YouTube頻道《試當真》，之後陸續找來吳家忻（Kayan9896）、陳苡臻（Jessica、Ca姐）、倪安慈（阿慈）及陳穎欣（Yanny）等外貌出眾的女神加入，引來不少男網民訂閱其頻道。不過部份網民一直都認為游學修等人搵咁多靚女做同事，有自肥之嫌，2月時游學修與「世一女神」Ca姐傳出緋聞，網民已經翻出他2020年底曾於「試映劇場《Channel需要女》」的影片，片中他表示不會跟女同事拍拖，諷刺他自打嘴巴，如今認戀Ca姐，網民又再狂Po該片的截圖。

 

《試當真》又多對真CP。

 

「世一女神」Ca姐被私有化。

 

 

游學修過去曾表示絕不跟公司女同事拍拖，「如果佢鍾意我嘅話，會好影響公司運作，佢一定會無心工作。唔只係佢，我自己都會受影響，我都可能只諗住佢。」又稱擔心到時拍片全部圍繞住女友，連錢同公司都全部畀晒對方。網民睇到游學修與Ca姐認愛，都笑游學修自打嘴巴，留言表示：「今天的我打倒昨日的我，BTW祝福」、「社內相親」、「分咗公司畀Ca姐未」等。

 

游學修曾表示不會跟女同事拍拖。

 

 

游學修一度怕辦公室戀情影響頻道發展。

 

網民雖然笑游學修，但都表示祝福他與Ca姐。

 

Ca姐榮升老闆娘。

 

有網民笑《試當真》可以改名《社內相親》。

 

其實游學修愛上同事早有先例，2015年他與蘇麗珊合作電影《哪一天我們會飛》而相戀，但一年後就因性格不合分手。未知之後是否怕咗同圈中人合作，即使其後與曾樂彤拍拖，他受訪都表示將來拍戲都唔想同女友合作，因為要避免瓜田李下。但如今又認愛同事Ca姐，睇嚟即使幾有原則，愛火要嚟真係擋唔住呀！

 

游學修2015年拍電影《哪一天我們會飛》撻着蘇麗珊。

 

游學修前年與曾樂彤分手。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ