Jessica@SG陣痛往返醫院等生半夜穿羊水盼順利順產

2022-04-10 15:45

前女團Super Girls（SG）成員蔡明思（Jessica）三年前嫁台灣老公陳冠廷後，早前造人成功，今日她在社交網貼出在醫院的照片，表示待產中。她寫道：「見紅咗兩日之後，終於有宮縮，尋日（9日）早上6點幾痛醒，一企起身又唔痛，但一瞓低又痛，到瞓咗3、4個鐘之後起身又見紅，所以最後中午決定都係入院睇睇，其實我知自己未生得，因為我啲宮縮唔算好密，又唔算好痛，所以我知去醫院之後一定係要返屋企。」

Jessica等緊BB出世。

Jessica早前與老公影孕照。

Jessica自言沒想到檢查完返屋企就愈嚟愈痛，有時10分鐘、有時20分鐘就痛一次：「到11點左右痛到6分鐘一次，好彩有入院，之後痛到3分鐘一次，原來開咗兩指，等咗好耐個covid報告先可以叫麻醉師過嚟打麻醉，白白捱咗2個鐘頭痛……打完麻醉即穿羊水，但都只係開咗2指，而家我要瞓吓先，希望一切順利，BB可以順利順產……祝我順產順利 #我的生產日記」，雖然宮縮令到她好痛，不過Jessica仲識講笑，稱不知道到時打麻醉藥，個感覺會怎樣。