吳若希跟老公扮《美女與野獸》好尷尬為大女慶祝生日豁出去

2022-04-26 02:30

吳若希（Jinny）的大女Giselle近日踏入5歲，雖然政府在本月21日已放寬部份防疫措施，餐廳恢復晚市堂食至晚上10點，而主題公園亦已重開，不過為安全着想，Jinny依然決定在家為大女慶祝生日。不過，小妹妹始終都鍾意公主王子，為了讓Giselle開心，Jinny笑言在家舉辦一個「翻版迪士尼公主逃走派對」，全家人齊齊cosplay玩返一餐。

日前已貼出跟大女拍攝的靚相。

女仔始終怕醜，所以Jinny未有公開囡囡的樣貌。

Jinny和Alex左右夾擊錫到Giselle變晒樣。

Jinny在社交網貼出派對相，見她和Alex分別扮成《美女與野獸》中的Belle和野獸，Jinny穿上黃色長裙、Alex則穿藍色禮服，不過他未有戴上面具扮野獸，可能怕嚇親大女及細仔，所以以其靚仔樣示人。Jinny和Alex更如電影童話故事情節一樣跳舞，而細仔卻抬高頭呆呆望着兩人，十分可愛，而Jinny留言：「Beauty and the beast梗係要跳返part舞啦，為左（咗）個女可以去到幾盡？」不過Jinny卻聲稱其實內心十分尷尬。