星島獨家丨黑貓靚寶靠零食爆發「神級演技」 性格溫馴如狗獲劇組呵護變團寵

《金宵大廈2》最近熱播，劇情圍繞時下流行的平行時空概念，加上原班人馬加持，不少《金宵》粉絲大讚追看性極高！除了燒腦劇情引起觀眾熱烈討論外，故事中的另一主角黑貓「靚寶」再次登場，爆發神級演技！

撰文：娛樂組  攝影：譚志光

 

原名Mavis的「靚寶」私底下其實幾活潑好動，一點也不Cool。

 

「靚寶」原名叫Mavis，首次拍攝《金宵大廈》時只得半歲，原來靚寶出世時因錯配而找不到領養家庭，主人Melaine在牠兩個月大時把牠領養回家，從此踏上貓奴之路！

 

「靚寶」與《金宵》兩位主角陳山聰及李施嬅都十分老友。

 

「靚寶」作型仔打扮，立即成為型爆貓神。

 

原是沒人要的「醜小鴨」

Melaine形容靚寶為「醜小鴨」：「成胎得牠一隻是黑色，其他都是銀虎紋，好靚的。靚寶的父母分別是英國短毛貓和暹羅貓，當時其他兄弟姊妹已經被領養，只剩下牠一隻，所以我打算試下。」靚寶是Melaine的第一隻貓，Melaine坦言自己一開始對貓沒有好感：「因為始終我未試過養貓，我養狗養了很多年，但貓給我的感覺好高傲，冇乜互動，好似好cool咁，但身邊有很多朋友說服我，貓都可以好似狗咁，所以我決定試下。」結果一試愛上，現在已經是六隻貓咪的主人。

 

Melaine原本對貓冇好感，但養了Mavis即被其可愛魅力征服，成為真正貓奴。

 

榮升爸爸 出產「星二代」

如今靚寶貴為人見人愛的明星貓，全靠主人Melaine的悉心照料。當初靚寶被領養時不幸染上貓癬，初次養貓的Melaine頓時覺得驚惶失措，更停工半年全職照顧貓咪：「一切都要上網搵好多資料、周圍問人，學習餵佢、幫牠沖涼等，帶牠睇了好多次醫生。幸好當時遇到一位高人教我，令貓咪可以康復斷尾，不會傳染家中其他寵物成員。」

 

健康成長的靚寶現在更做了爸爸，出產了「星二代」，而主人Melaine自己亦成為新手媽媽，女兒和靚寶關係像親兄妹一樣，十分親密。

 

Melaine添了女兒後，Mavis亦榮升為哥哥，「兩兄妹」關係親密。

 

拍續集與星級好友敘舊

《金宵大廈》這個故事塑造到靚寶是一個很關鍵的角色，李施嬅（Selena）曾笑言靚寶才是劇中男主角。 Melaine表示當初Mavis接拍「靚寶」這個角色也是誤打誤撞的契機：「當時連有冇酬勞都唔知，諗住試下先，當作可以留些檔案自己遲啲睇。」

 

再次投入劇組的靚寶就像和一班老朋友敘舊，Melaine表示：「熟絡咗之後阿仔（靚寶）完全唔怕人，一去到片場我都直接交給Selena抱住，其他演員都係。」除了Selena，張彥博在劇中也和靚寶有不少對手戲，可能因為阿博也有養貓，身上的貓味吸引到靚寶，能令他乖乖地站在他膊頭上，拍攝時默契十足！

 

李施嬅笑言「靚寶」才是《金宵》系列的真正男主角。

 

本身有養貓的張彥博與「靚寶」默契十足，演對手戲時冇難度。

 

神秘貓神超為食

Melaine表示一眾台前幕後工作人員都對靚寶愛護有加，拍攝時因為害怕靚寶走失，工作人員都會多番檢查是否關好門窗。被問到有甚麼秘訣令靚寶這麼好戲，Melaine笑說靚寶也是一隻為食貓，多場在後樓梯拍攝的場景也是在沿路放了零食，令靚寶跟着零食路走。另一原因也可能是因為Melaine家中養了兩隻大狗，靚寶與狗狗一起成長，性格偏向似狗，因此十分聽話輕易做到拍劇時給牠的指令。性格親人的靚寶毫不抗拒到片場拍攝，Melaine表示現在正洽談電影拍攝，靚寶可能有機會以其他角色在大螢幕上出現！

 

原文刊於《星島日報》名人雜誌（逢周日見報）

更多第5波疫情資訊，請到以下專頁瀏覽按此

立即下載｜全新《星島頭條》APP：https://bit.ly/3yLrgYZ