藍奕邦晒舊照鼓勵DSE考生網民關注櫻桃小嘴尖下巴

2022-04-22 08:00

昨日（22日）是中學文憑試（DSE）開考日，早前受疫情影響學生連返實體課都少咗，本屆DES考生面對考試都似乎比往年的考生緊張，不少名人都公開為考生們打氣。昨日藍奕邦於IG上載昔日的青澀學生照，出Po鼓勵應屆DSE考生。

藍奕邦為應屆DSE考生打氣。

學生時期嘅藍奕邦都幾可愛。

藍奕邦是1995年的會考考生，當年的他面對公開試都非常緊張，勤補習之餘又狂做模擬試卷，覺得未來人生如果都視乎這次公開試的成績，「而家回望返，會考真係只不過係人生好細小一頁。我絕對係嗰隻考完將所有嘢畀返晒老師嘅學生。考試係一時，學習係一世。各位應屆DSE考生，我相信你哋個個都好努力，所以唔好畀自己太大壓力。考得好與唔好都好，最緊要問心無愧，同埋記住，人生最重要嘅知識唔只來自於課堂同書本，高分可以係高分低能，考得唔合格唔代表人生終結。呢一刻盡咗力就得喇。」而藍奕邦亦證明了讀書考試不一定決定晒未來的發展，以他為例，當年他是一名商科學生，之後在美國喬治城大學完成政治系學位，現在他卻是一名音樂人，連他都笑言：「咪又係走咗去做歌星。」因此他呼籲考生們盡力之餘，也要學識放輕鬆。