古天樂拍《學‧苦》短片為應屆考生打氣 DSE本周五開考

2022-04-19 21:00

新冠疫情持續，幸好近日情況漸轉穩定，中學文憑試（DSE）將於周五（22日）開考，古天樂今日在社交網貼出自發拍攝的短片，為一眾今屆考生打氣。短片甫開始，戴着口罩的古仔步上學校禮堂的舞台，然後除下口罩，對着現場的大批空櫈說：「各位同學，歡迎入讀呢間學府，我並唔係呢度嘅校長，我同大家一樣，都係呢度嘅學生，每個人一出世，都喺呢度上堂，讀嘅，只有一科。呢一科會有無數次嘅考試，而今次呢份卷，可能係歷年嚟最難答嘅，第一條題目，就算盡咗力，都係未知點答，諗住答下一題先咩？點知係承上題，之後嘅每一條，都唔係容易。」

而字幕彈出：「試卷（一）沒有面授，如何好好吸收所學？」、「試卷（一）何時可跟同學見面？」、「學界比賽的夢想，要放下吧？」、「考期壓縮，如何分配溫習時間？」、「不幸確診，如何全力以赴？」

戴住口罩行上台……

對住台下空櫈發言……

為疫情下的學生加油。

提出多個疑問。

學生在疫情下面授課，面對好大壓力。

古仔再續說：「冇得選擇嘅選擇題，點都計唔通嘅數，分析唔到嘅困局，再聰明、再勤力嘅同學，都會苦無答案，呢一科就係人生，因為人生，就係『學苦』！你要學識呢個世界，唔會所有嘅路都係易行，唔會所有嘅門都係會開，等價嘅付出，唔一定有等價嘅交換，但你都會學識，只要盡過力，唔一定需要考第一，或者等緊我哋嘅，未必係一個最滿意嘅答案，但一定會係，一個更加好嘅自己！」

除了貼出短片，古仔再留言：「疫情，對大家都好大影響，當中的『大家』，包括我們社會未來的主人翁，一班於疫情中仍一直為學業奮鬥的學生。他們與及家長們在這幾年經歷了不一樣的學年，每天、每星期也在適應當中的變化。雖然事情仍未有最完滿的答案，但希望這條『學‧苦』短片能為他們帶來一點鼓勵，尤其是即將開考的DSE，大家一起加油，撐住！」