Tyson Yoshi入圍課金制全球百大俊男爆粗笑問：又咩OnX game？

2022-04-19 20:00

美國網站TC Candler舉行的「全球百大俊男美女2022」，今年新增設的「課金」提名制度，令香港多位藝人歌手先後成功入圍。今天(19日)在新一輪的入圍名單便有近年人氣急升的Tyson Yoshi（程浚彥），雖然他今早已由香港出發到英國準備開騷，但亦有轉貼入圍「全球百大俊男」之消息，加個笑到喊Emoji爆粗鬧：「又咩OnX game？」，見張敬軒同經常被指撞樣的林家謙雙雙入圍，又笑問軒仔：「點解你有得玩兩次...」。

Tyson Yoshi對入圍都好不爽。

搞笑問軒仔做乜玩兩次。

Tyson Yoshi嘅回覆真係好有霸氣。

梁凱寧呼籲課金予慈善機構

至於「百大美女」方面，香港代表就有女演員蔡思韵及29歲的TVB前新聞主播梁凱寧（Maggie）。今早Maggie便在IG限時動態轉發圖片，並表示：「邊個咁搞笑提名我」，她又帖文鼓勵大家將課金的錢拎去做慈善：「課金！課金！課金！入圍《全球百大美女2022》，收到好多DM話會課金投票，首先要同大家講多謝！我需要大家課金，不過唔係去提名/投票，如果大家有閒錢，我絕對歡迎大家課金，係大大力咁課金，不過唔該課金喺更有意義嘅地方」。

Maggie更列出多間慈善機構的網頁，表示好多人比她更加需要呢啲錢，而為了鼓勵大家踴躍捐款，她更揚言：「如果大家向慈善機構捐出$500以上，並將收據DM我，我會親自錄音向你講聲多謝！」不少網民紛紛響應，並立即行動傳上收據，女神的號召力果然厲害。