Tyson Yoshi不忿女友被批醜樣 直播爆粗Man爆護愛人

Tyson Yoshi拍拖4年的女友Christy不時被網民批評長相，甚至形容Christy貌似馬蹄露；隨着Tyson Yoshi人氣急升，近日Christy再度在討論區遭網民抨擊，令Tyson Yoshi十分氣憤，並於IG開直播爆粗護女友，直指：「保護身邊嘅人都做唔到，點做男人！」

 

日前有網民於討論區批評Tyson Yoshi女友Christy的長相。

 

Tyson Yoshi同女友拍拖4年。

 

Tyson Yoshi嬲爆開Live。

 

女友被踩，當然十分生氣，Tyson Yoshi在直播中相當勞氣、連環爆粗及不停飲水降怒火！他直斥道：「好樣衰？咁點呀，我鍾意呀！出名就要被人『鬧』？人紅是非多另一面係好，我都明，但呢件事上，我係作為站在男朋友的立場！你試吓行行吓街、拖拖吓手，突然有個幪面人話你好樣衰、之後有一大班唔知響邊條巷走出來嘅人，叫你企響度，辯論你個樣好唔好睇……睬你都傻啦，現實生活可以直接走！佢哋論點係討論區可以討論好多嘢，但保護身邊人都做唔到，點做男人！我只係好奇，如果心態唔夠強、企得唔夠硬，走咗點算，有冇人諗過？唔係匿喺網絡背後就唔使負責任，韓國已經發生過好多事例，好彩係嗰個人心態好、冇出大問題。呢個已經唔係我女朋友一個人嘅事，大家設身處地諗吓！」

 

Tyson Yoshi爆粗護女友。

 

Tyson Yoshi認為批評別人的網民，應該設身處地想想被批評者的感受。

 

Tyson Yoshi勞氣開Live後，再貼出一首兩年前的歌曲作品，以歌詞鼓勵女友指「在你的世界下了一場大雨，再模糊的視線也必須撐下去」，而最Man爆的是「有禍等我背」！而Tyson Yoshi的直播吸引了4千多人收看，並且留言都一致支持他這個「真男人」。

 

再Po歌詞鼓勵女友。

 

 

女友一定冧爆。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ