張致恆一家被逼遷似已圓滿解決開心為大仔慶3歲生日

2022-04-13 16:00

張致恆（Steven）與老婆區燕雯（雯雯）早幾個月話離婚，之後又復合，再宣佈佗緊第三胎，真係睇到網民一頭霧水。而不時大呻手緊的張氏夫婦，即將迎來第三個兒子都引起網民討論，但雯雯都霸氣反擊網民：「窮唔代表冇資格生仔，窮有窮養。」不過他們一家似乎連有冇瓦遮頭都成問題，因為雯雯上月初曾於IG限時動態聲稱被逼遷，但及後沒有再交代後續發展。

張氏一家即將添新成員。

網民曾批Steven一家有經濟困難不應該係咁生小朋友，遭雯雯霸氣反擊。

雯雯上月初自爆被逼遷。

昨日（12日）Steven於IG分享為大仔張天寶慶祝3歲生日的照片，他寫道︰「寶寶3歲生日啦，話咁快就3歲啦，希望三兄弟可以和睦相處，健健康康咁樣我就心滿意足！我愛你啊張天寶﹗兩兄弟討論點樣去整爛咗蛋糕！」而對比之前Steven與雯雯分享的家庭照，可見仍住在本來的地方，看來被逼遷一事已圓滿解決。而雯雯今日亦於IG分享Steven與兩父子在家玩耍的影片，可見一家很幸福。