Anson Lo拍MV出意外入急症室新歌靈感閃現由好痛變好興奮

2022-04-02 19:30

MIRROR成員Anson Lo（盧瀚霆）在IG貼出攬著愛犬Amber的合照，表示要記錄人生最痛的一次；但沒有透露發生甚麼事，只報平安指已經沒事，更因禍得福在前往急症室的車程中想到下一首歌的主題，但對意外就三緘其口，只說是「小事」、以免講出來會「笑死人」。

Anson Lo於IG自爆日前拍MV發生小意外，：「過程就唔多描述啦，因為講出嚟真係會笑死人~ （真係好小事）。但唯一好處嘅係...…搭車前往睇急症醫生嘅車程當中，靈機一閃諗到下一首歌嘅主題，解決咗我最近諗咗好耐嘅難題；當堂由『好痛』變到『好興奮』嘅心情。即晚都慢慢好返冇乜事，返到屋企見到Amber，就決定同佢影相記低呢一日。今次嘅經歷雖然係歷時人生最痛嘅一次，但正正就係： "Every cloud has a silver lining" ，可能每一樣事情發生都有原因，而且過程當中可能有意想不到嘅驚喜，感激漏夜幫忙嘅醫生同護士。分享完畢，我冇事啊！唔好擔心，你哋平日都要好好保重身體。#突然長氣嘅日記式分享。」

AL對意外三緘其口，話講出嚟笑死人。

返到屋企攬住愛犬，話係有驚無險。

據知Anson Lo是在拍攝MIRROR新團歌MV期間發生意外，上月底30日及31日一連兩天，MIRROR成員忙於為新團歌拍MV，因此隊友和經理人花姐都知道發生了什麼事，不過為尊重當事人，大家都幫忙保密。Jeremy留言指：「我哋保持神秘。」Stanley也只貼出公仔作慰問；而既擔心又要充當司機急忙送「傷者」到急症室的花姐就提醒Anson Lo：「請你也感激漏夜幫忙嘅司機」！神徒即紛紛感激花姐照顧Anson Lo。