鍾袁大戰丨林作一年前神預言 鍾培生會對袁嘉敏把持不住

「鍾袁大戰」今日又有新進展，袁嘉敏（Candy）昨日在IG限時動態炮轟鍾培生父子是人渣之後，今日即飛離香港是非地，計畫兩個月內才返港。一直沉默的鍾培生反指有人處心積慮苛索更多經濟援助，雖然未有講明二人是否情侶關係，但就透露因「性格不合」去年中已停止見面。

曾與鍾培生在擂台較量，自認「香港抽水王」的林作當然唔會放過抽水機會，昨晚在社交網上載一年前與Candy做的直播節目訪問片段，留言表示：「林作一年前神預言」。片中Candy向林作提議：「不如你同鍾培生搞個今晚不設防。」林作即說：「我懷疑佢 (鍾培生) 見到你會把持不住。」Candy即哈哈笑。林作當時已預測鍾培生會情迷Candy，而時間亦好脗合，剛好是一年前，難怪林作會覺得自己是預言家，口開即中！

 

林作話自己一年前已神預言。

Candy想要一個真心交嘅男朋友。

一年前，Candy自爆已有四年半冇拍拖。

 

片段中，林作指Candy只需要一樣嘢「就係真心」，Candy透露自己4年沒有拍拖：「因為4年前嗰次我太hurt喇，2017年，拍咗大半年.... 最後佢識咗個0靚模就走咗。」她自認是二奶樣，遇到的追求者不是結了婚，就是離了婚，總之問題多多，她說：「我又唔會被細過我嘅男仔吸引到，除了你 (林作)。」林作即連聲說：「啊，多謝多謝。」Candy解釋因為覺得林作有sophistication (有見識有品味)。看來除了林作，Candy亦曾被鍾培生吸引到，與比她細6年的鍾培生發展成有「經濟援助」關係。

 

林作最鍾意抽水。

袁嘉敏同鍾培生關係真係好複雜。

 

更多第5波疫情資訊，請到以下專頁瀏覽按此  

https://bit.ly/3yLrgYZ 立即下載 | 全新《星島頭條》APP