麥明詩Fit爆水著登場 麥子樂男人角度表達心聲

亞視旗下嘅網台亞洲心動娛樂（AMM）前日（29日）推出頭炮自家網劇《逐流時代》，片中女一麥明詩穿上綠色三點式泳衣暢泳，色誘劇中首富黃德斌一幕成為亮點，麥明詩為咗呢幕重點戲操Fit身形。

麥明詩水著一幕成為重點，有唔少大特寫身材鏡頭。

跳落泳池。

上演出水芙蓉。

大晒白滑長腿。

仲有靚背。

 

麥明詩在社交平台上載她着三點式出鏡嘅片段，片中有唔少身材大特寫鏡頭，見她慢慢脫下長裙晒白滑美腿，隨即跳入泳池，緊接係性感出水芙蓉，成功吸引到喺池邊嘅麥子樂注視，而他做出嘅斜視表情，絕對表達到一眾男網民嘅心聲。麥明詩留言取笑拍檔麥子樂「有人成世未見過女人」。麥子樂即解釋說︰「場戲係講我望到一個着泳衣嘅靚女，但係其實係分開拍嘅，我當時係望住個男攝影師嚟做反應。」

《逐流時代》由戚其義擔任導演監製，故事講述階級固化香港嘅社會病態，老中青嘅倫理故事。劇中麥明詩飾演Emma，為討好上司不惜與上司黃德斌發展不倫關係，上演中環版《上流寄生族》。

 

劇情講麥子樂睇到目瞪口呆。

劇情指麥明詩跟「首富」黃德斌交往攀富貴。

麥明詩身材豐滿。

麥明詩已轉做OL。

 

更多第5波疫情資訊，請到以下專頁瀏覽（按此）

立即下載 | 全新《星島頭條》APP : https://bit.ly/3yLrgYZ