樂壇新人黃明德自爆黑歷史 初中兩度留班兼記過

18歲英皇新人黃明德（Dark）日前推出首支派台歌曲《留班同學》，歌曲由Dark及新晉音樂人K Tsang合作作曲、林若寧填詞，算是Dark的自白。現為中五學生的Dark，曾於中一、二兩度留班，出道的第一首歌，決定公開自己黑歷史，更直白改歌名為《留班同學》，「初中嘅我比較反叛，上堂瞓覺、唔交功課，甚至同幾個同學偷偷地喺學校過夜，最後俾學校記過兼留班收場。」

Dark自知自己唔靚仔，所以影相都唔影近鏡。

 

留班兩次自然被標籤成壞學生，Dark雖然不愛課本，但喜愛畫畫，更在哥哥薰陶下學結他，從而愛上創作和表演，與同學自組樂隊擔任低音結他手。一次歌唱比賽，令他獲唱片公司賞識，簽約成為歌手，他坦言很珍惜這次機會，並跟公司約法三章做個好學生，「專注歌唱事業同時要兼顧學業，唔單止要完成中學課程，目標更要考入大學或大專。我相信學校生活同體驗，可以為我日後創作注入更多養分，為咗成為一個更好嘅創作人，我會努力。」

為令插畫師更了解自己想法，Dark親自畫story board參與。

講到《留班同學》MV以動畫呈現， Dark笑言自覺樣貌不討好，所以以動畫形式表達更好，「對自己個樣冇自信，同埋演技麻麻。其實最主要係符合返我而家呢個年紀，動畫會比較容易接受同投入。為了令插畫師更了解自己對歌曲的想像同畫面，自己都畫咗啲story board參與。」

為了配合動畫MV，Digital Cover亦以手繪畫製作。

在疫情下出道，Dark知道有很多局限，所以逢星期三、六亦於自己社交平台（IG: DarkWong0812）開Dark Room Live。提到首次開live，Dark坦言學到不少東西，面對突然技術問題，都要專注表演。由於開live的studio飼養多隻貓咪，令喜歡貓的Dark十分雀躍，「成個氛圍好好，可以同佢哋玩吓，同埋有隻貓係咁拍我腳板底，因為我唱歌時，對腳會跟住拍子郁。

Dark開live時，被貓咪不斷拍腳板，好搞笑。

 

 更多第5波疫情資訊，請到以下專頁瀏覽（按此）

立即下載 | 全新《星島頭條》APP https://bit.ly/3yLrgYZ