Juicy叮|無業夫留家等援助金 妻返工兼煮三餐反被斥無煮宵夜

2022-03-28 16:25

網民要上班養家,為失業丈夫包辦三餐,更長年遭丈夫家暴。《BB來了》示意截圖
網民要上班養家,為失業丈夫包辦三餐,更長年遭丈夫家暴。《BB來了》示意截圖

有網民在「親子王國」討論區發文,不滿丈夫失業後長留家中等政府失業援助,妻子要上班還要煮一日三餐,丈夫更因無宵夜食而發脾氣,令她感到丈夫猶如爛泥一般。

從事輪班工作的妻子發文說,因翌日要上早班,凌晨4時40分就要起床,而且因為太早所以無車轉駁要步行20分鐘出去搭巴士。但丈夫在深夜覺得肚餓提出想食麵,被她拒絕後大發脾氣。

她不忿開始抱怨,說「佢(丈夫)已經無工返一個月,為左等失業救濟金,佢唔搵工,日日都叫我朝早煮早餐佢食,午餐晚餐都係叫我煮或者落街買。連宵夜都煮?」,而且「聽日(翌日)放工又叫我買埋餸或者買晚餐返去佢食。」,又指「期望佢搵工嘅話呢,就真係好唔樂觀喇,因為佢舊同事有話俾佢知邊度邊度請人,佢話果度返工遠,果度又點點唔好咁。」

還不止如此,她更控訴,「同佢生活同坐監分別不大」,幾時用電話、用電話做甚麽都受到嚴密監控,不准上影音平台或聽歌或用社交通訊程式。又指談婚論嫁時,對方承諾會戒煙,才嫁給他。結果一直說要戒,但結婚12年都仍然日日在家吸煙。更加離譜的是,丈夫如果不高興就會大聲喝斥擲物,亦有試過大力推她,並曾因家暴報過警。有次她趕住上班,丈夫剛好回家,丈夫入屋時她已盡快去門口幫手接收所買的廁紙,「可惜速度未達佢標準,拎咗2條上手,佢就將第3條飛越我頭頂掟咗入房」;還有「我大緊肚時,我話衣車車針斷左,遲啲要去配返,佢就嫌煩,一拳打落部衣車度,原來衣車識由廳中間飛到入廚房」。

但丈夫對10歲女兒卻又不會動武,「對個女最多都係大聲鬧下,對我間中郁手。但個女又好痴佢」,令她慨嘆「我都好想個女識體諒我,明白我苦狀,但佢事實就係非常支持爸爸。我都唔明佢點解咁信爸爸」。而且女兒懷疑受爸爸影響,「個女已經經常欺凌我,仲學爸爸咁講嘢,話爸爸要俾家用我,係我呃晒爸爸啲錢」。她無奈喊冤,指「佢啲家用左手黎右手去,全部俾晒屋租水電煤無剩。」

有一次她上完通宵班後回家,早上還獨自帶女兒去海洋公園玩耍,丈夫更吩咐她出錢購買一隻3000元的智能手錶,但她覺得丈夫毫無需要用上。但發文者只好照辦,當去到電器店付款購買,她抱怨「幾句你淨係叫我嚟畀錢之嘛,咁仲等咩丫?」丈夫就獨自丟下妻子快快離開。而事後丈夫也根本無善用手錶,她透露「結果我確診果幾日有晚心口好痛,個心跳得好大力咁,問佢隻錶係咪有得量血壓血氧量,佢係唔知嘅...先知佢原來隻智能錶係無連接手機app嘅 」。
 

不少網民都奉勸發文者應該考慮離婚,也有人懷疑丈夫有情緒病或精神病,「佢有無咁cheap又要做大男人連買隻錶都要叫老婆去畀錢」、「我睇完樓主嘅文,都即時諗到天水圍的日與夜」、「慣性被虐待時,間唔中又好少少/正常少少,被虐者就感動流涕,心諗終於改善到,但不久又重複被虐,走唔出呢個魔掌」、「你自覺為個女容忍呢個怪物,將來都會有唔少情緒反映返去個女度,將來肯定會同個女呻,我為左你先唔同你個衰老豆離婚,先唔離開頭家...而家你個女只不過係先甜後苦,你就先苦後甜。計時炸彈始終都會有爆炸嘅一日,你嘅怨氣始終會有一日發洩響個女身上。因為佢係你繼續受苦受虐嘅原因。呢個係好自然嘅事,個女將來必定有排受。能量儲得越耐,爆炸力越強」

 

帖文轉自《嫁左俾人渣爛泥

關鍵字

最新回應

熱門文章

You are currently at: std.stheadline.com
Skip This Ads
close ad
close ad