肥仔與奇洛李維斯同入選百大俊男 岑樂怡提名百大美女自覺人生滿希望

肥仔梁業勁呀！今日美國網站舉辦的TC Candler公佈最新入圍「全球百大俊男/美女」名單，肥仔在粉絲課金強力支持下，成為最後一位入圍的ERROR成員，連同MIRROR，16子齊齊整整入圍。而肥仔更被安排與荷李活男星奇洛李維斯（Keanu Reeves）在同一批名單中，難怪他忍不住轉發好消息，又向Dee（何啟華）挑機說：「知我咩級數啦」，Dee也搞笑回應：「宇宙天團紆尊降貴與地球人比拼外貌」。ViuTV女藝人岑樂怡（阿妹）也同時入圍競逐「全球百大美女」，她也喜出望外，在社交網分享：「原來我咁beautiful」、「同框（奇洛李維斯）先係開心個點，Hahahahah咁近咩」、「人生滿希望」。

 

肥仔壓軸出場，MIRROR和ERROR 16子全數入圍。

 

今日同時宣佈奇洛李維斯入圍，但就沒有課金的icon。

 

課金入圍制度惹爭議，但肥仔都好撐Dee。

 

其實Dee哥昨日（25日）入圍時，肥仔也有在IG限時動態留言：「我實撐你㗎！」之後又留言叫Fans不用駛擔心他，真心戥Dee高興，寫道：「大家係就幫我煲爆佢！」現在終可願望成真！

 

ViuTV女藝人阿妹岑樂怡也入圍競逐「全球百大美女」。

 

阿妹最開心同奇洛同框。

 

人生真係充滿希望。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ