關楚耀39歲生日罕有放閃女友Sweet爆下廚祝賀

2022-03-25 09:30

關楚耀（Kelvin）與細他11年的網紅空姐女友Joann Law拍拖5年，感情穩定，但二人一直非常低調，更從未公開合照。昨日（24日）是關楚耀的39歲生日，日前他於社交網自爆踩單車自炒，導致肩膊骨移位，加上疫情影響二人未有出外慶祝。

Joann便在IG限時動態罕有放閃，她貼出為男友親手下廚的片段，片中聽到關楚耀的聲音，一邊質疑女友的廚藝，但另一邊廂又冧爆說道：「多謝你的照顧」，Joann寫道：「唔食咖喱的人，又要求食咖喱」，更自嘲：「我煮嘢真係笑料百出」。其後又貼出與關楚耀手拖手到主題公園的合照，並寫著：「Happy birthday my love 」雖然只是背影，但亦感受到二人非常甜蜜，網民都紛紛留言表示：「幾時公開正面合照」、「唔好再收收埋埋」。