徐榮一家感激工作10年外傭姐姐 食印尼大餐餞行承諾會探望

近日一名外傭以流利廣東話拍片，抱怨未獲僱主善待，道出不少外傭姐姐的心聲，即成網上熱話。其實顧主與外傭之間都應互諒互解，好似徐榮一家就遇上一位好好的外傭姐姐，在其家中工作10多年，最近決定要返家鄉印尼；臨別在即，徐榮一家就為她準備印尼大餐，感激外傭姐姐多年照顧。

 

徐榮一家為外傭姐姐餞行，印尼大餐真係好豐富！

徐榮一家四口，感恩遇上幫得手嘅外傭姐姐。

 

徐榮的太太在社交網留言：「🧕🏻要回家了！照顧咗我哋屋企十幾年，特別訂咗印尼菜為你送行。多謝您❤️回家好好休息，我哋一定會過嚟探你✈️。 #工人姐姐要走了 #萬般不捨 #其實已經係一家人 #印尼菜 #多謝你多年付出 #感因有你」。相中見外傭姐姐抱住6歲多的包包（細女徐心怡），笑得好開心，而包包亦有送上手指心心；網民都留言讚徐榮一家是好顧主：「好僱主，留下好印象畀大家」、「包包仲係BB嘅時候，呢個姐姐都已經照顧包包了」、「好姐姐難求，一家人一定好唔捨得」、「將心比心♥️」。

 

包包曾拍《愛回家》，BB時候真係勁得意。

外傭姐姐都睇住包包出世。

父女日常，喺屋企都玩得好開心。

疫情下都要打扮一下。

 

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ