羅拔唐尼為好友「黑寡婦」施嘉莉宣傳 搞鬼試用護膚品

「黑寡婦」史嘉莉祖安遜（Scarlett Johansson）與「鐵甲奇俠」羅拔唐尼（Robert Downey Jr.）因合拍漫威超級英雄電影而成為好友。雖然二人都已經從超英片中退役，但依然好好感情。早前史嘉莉推出與友人合作的護膚品品牌，產品設計行簡約風，產品外觀由史嘉莉的建築師爸爸設計。近日除了她本人頻頻露面做宣傳，亦搵來眾多圈中好友試用產品。

 

「黑寡婦」史嘉莉有好多巨星好友。

 

連社交網都冇開嘅史嘉莉，日前竟然喺品牌個IG開直播。

 

史嘉莉獲一班超英片老友幫佢宣傳。

 

好友羅拔日前於IG上載開箱史嘉莉護膚品的短片，片中他貫徹搞怪風格，試完眼霜仲將個化妝袋戴上個頭度，重點是背景仲用上史嘉莉的廣告旁白，非常搞笑。身價咁高嘅羅拔用心拍條片就係為咗幫老友宣傳，仲留言表示要All in史嘉莉隻護膚品，認真唔話得。

 

咁高身價嘅羅拔唐尼，竟然化身KOL開箱。

 

試埋個眼霜，睇佢個樣招積到呢……

 

條片仲要配埋史嘉莉把聲，扮到好似史嘉莉啲廣告咁，笑死人！

 

為好友為到底，仲話要All in呀！

 

史嘉莉同好友推出自家護膚品品牌。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ