不可能任務｜何泳芍憂男隊員堅持死撐落淚譚俊彥舉啞鈴面容扭曲

2022-03-18 10:00

熱血綜藝節目《不可能任務》本周日（20日）晚播放的Mission II第4集，8位藝人譚俊彥（Shaun）、關曜儁（Leo）、李思雅（Cindy）、伍富橋、余應彤、何泳芍（Honey）、鄔嘉駿及吳紫韻（Purple）稍事休息過後，便要面對第三天的「全面升級考核」，其中考驗體能及速度的體能測試重頭戲SBS考核，更需要挑戰者拿著一對15磅重的啞鈴，連續三小時完成一系列共四組動作，每組動作包括3種二頭肌動作、2種三頭肌動作、4種膊頭動作、掌上壓動作以及圈繞操場跑兩圈，真係齋聽都手腳發軟，難怪被伍富橋形容為「地獄式訓練」。由於相關考驗對於男、女挑戰者一視同仁，故此對女生來說相對吃力，3位女將雖已盡全力希望與男隊友一起撐到最後，可惜最終還是捱了三十分鐘左右便要放棄。

Leo話唔好睇小呢對啞鈴。

今集佢哋又要係咁跑。

SBS考核為時三個鐘。

曾是運動員的Cindy受訪時失望落淚謂好想再頂下去，但真的沒辦法。就連樂觀積極的Honey亦大感洩氣，並為堅持死撐的男隊友緊張落淚：「今日呢個太陽底下，佢哋仲咁繼續，我覺得…我真係驚佢哋就嚟會暈。啲阿Sir監製掹住佢哋，佢哋都唔肯停。」

三位女隊員都落足全力應付SBS考核。

Honey就因為擔心男隊友而落淚。

其實男子組整個考核過程絕不好過，個個都做至面容扭曲兼汗如雨下，予人「強者」感覺的隊長Shaun，更在過程中數度要停下來休息喘氣，情況令人擔心。Shaun事後坦言自己在相關挑戰中有很大弱點：「我最擔心嘅係，我嘅Upper Body同女仔唔係差好遠。其實第一日做完掌上壓之後，我對手（痛到）打扮都打唔到。」至於整個訓練期間得到不少正評的Leo，亦直指SBS考核難度高：「聽落去唔重，但一個15磅啞鈴可以玩死你係真。」