羅志祥晒愛犬近照令豪宅內部曝光 停工兩年無損富貴生活

台灣天王羅志祥（小豬）前年4月遭前女友周揚青爆出偷食兼玩「多人運動」後，潛水2年過冷河，今年元旦登台宣告復出，早前更連推幾首新歌再到美國登台，人氣似乎返晒嚟！而近日他為愛犬Yuki開設IG帳號，除了分享Yuki的日常生活外，也同時曝光了他的豪宅內部裝潢，可見之前搵埋唔少，即使曾停工兩年都無損富貴生活。

 

小豬近日為愛犬開設IG帳號，分享愛犬日常生活。

 

小豬今年元旦宣告復出。

 

其實小豬的豪宅並不是首次曝光，2020年他被爆擬在內湖區的豪宅頂樓潛建露天泳池，但遭住戶反對，施工一半被勒令拆除。當時就引起網民討論，指小豬停工當放假，有錢繼續享受生活，被爆醜聞影響似乎不如外界猜測的大。近日小豬再自爆豪宅內部，相中所見頂樓已經改建，換上多張大長椅及茶几，環境舒適。愛犬Yuki就坐在長椅上曬太陽，非常寫意。

 

豪宅有個大露台。

 

屋企好似電影院咁。

 

除此之外，其巨型大廳亦相當豪華，除落地大玻璃，更配上落地超大型的電視螢幕，十足電影院。而小豬則在留言透露頂樓旁邊的空地，還會打造一個樂園給寵物遊玩，真是令人羨慕。

 

仲話遲吓起多個樂園畀愛犬玩。

 

小豬前年被前女友周揚青爆桃色醜聞。

 

雖然之前停工2年冇乜收入，但好在之前搵埋唔少，可以Keep住富貴生活。

 

更多第5波疫情資訊，請到以下專頁瀏覽
按此

立即下載 | 全新《星島頭條》APP :https://bit.ly/3yLrgYZ