黃心美見愛犬受癌魔折磨心痛流淚 聞毛巾念Muffin

黃心美10歲半大的愛犬Muffin，早前因為癌病離逝，身為主人的心美傷心不已。心美至今仍得掛念愛犬，昨日（14日）在IG上載一條Muffin臨終前的片段，見牠用盡最後的力氣，不停伸脷錫心美，而心美就喊到眼淚直流，讓人心痛。

 

心美寫著：「Muffin豬，你嘅畢業典禮完成嘞，希望你鍾意媽媽為你準備嘅一切，媽媽仲係成日要聞住你條毛巾同衫仔，又成日睇你D相同video，喺你走之前嗰兩個禮拜，由你開始行唔到，小便失禁，大便要幫你按壓先排到出嚟，飲水食嘢要餵食，去到幫你轉身都痛，呼吸短又速又辛苦，見住你咁痛苦我簡直撕心裂肺⋯⋯不過我知道你依家已經無病無痛嘞。」

 

Muffin當時瘦到唔夠2kg，但都用盡氣力咁去錫媽媽。

 

心美心痛落淚。

 

心美因為太掛住愛犬，不時聞住Muffin條毛巾同衫仔。

 

心美憶述當時的Muffin體重不足2kg，還用盡最後力氣錫她，「好多謝你瘦到唔夠2kg，俾cancer折磨到得番對眼，無qualify of life可言嘅時候都仲用盡氣力咁去錫我，好多謝你喺過去呢十年半帶俾我嘅所有感動同溫暖，好多謝你視我為你嘅全部。Muffin豬，帶住媽媽嘅祝福同感謝，無牽無掛、無憂無慮咁去開展你嘅新旅程啦⋯⋯我信終有一日，我哋一定會再相聚。」
 

心美養多隻愛犬。

 

心美的愛犬Muffin，早前因為癌病離逝。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ