張繼聰送妹妹摷醒哥哥片段祝謝安琪45歲生日繼續爽朗招積

2022-03-13 15:30

謝安琪（Kay）今日45歲生日，老公張繼聰在踏入零時就給老婆發文祝賀，他上載囡囡張靖叫哥哥張瞻起床片段，作為給Kay的生日禮物。

片段中張靖在摷醒正賴床的哥哥說：「點解你咁嘅呢？你夜晚早啲瞓唔好打機」，多番催促及拉開哥哥的被：「我唔畀你再瞓㗎！」哥哥答應瞓多一秒後，妹妹又準時催：「你快啲起身啦！你快啲起身啦唔該你！」在拍片的阿聰又忍不住笑到咔咔聲；哥哥於是就範乖乖起身，妹妹還幫哥哥鋪床，既老積又有愛。

妹妹努力下終於叫醒哥哥。

一對乖巧的子女是給作為母親的Kay最佳禮物。

難怪阿聰留言：「Happy Birthday Miss 313！妺妹好顧家，哥哥好脾氣，兩位優秀嘅小朋友，似爸爸。第17個同你慶祝嘅生日，眨吓眼，一齊經歷好多精彩嘅人生，然後有依兩位夢寐以求嘅小朋友。祝你生活繼續爽朗招積，We love u honey」。Kay則留言：「哥哥好溫柔，妺妺好精靈，似媽媽。」