鍾嘉欣五歲囡囡做小小化妝師 幫媽咪掃湖水綠眼影變Elsa

鍾嘉欣雖然失落視后，但有老公仔女就萬事足，曾揚言：「我心中最大嘅獎已經贏咗！」返到加拿大之後，嘉欣繼續做賢妻良母之餘，亦有不時拍片放上自家頻道Youtube，同粉絲分享生活點滴。

昨日嘉欣就同5歲半大嘅大女Kelly一齊扮靚，一開始Kelly有少少怕羞，但有嘉欣媽咪喺身邊，好快就warm up，動手幫媽咪化妝。Kelly有私家嘅化妝盒，拎起眼影掃幫嘉欣掃上湖水綠色眼影，用色相當大膽，令嘉欣都嚇一嚇，忍唔住話：「你係咪諗住將我變成Elsa（卡通《魔雪奇緣》公主）？」仲連眼袋位置都化埋，搽唇膏時又有少少出界，Kelly笑住口話：「monster媽咪」。

Kelly一開始都有少少怕羞。

Kelly幫手做小小化妝師。

拎起眼掃，有板有眼。

幫嘉欣掃上湖水綠色眼影，用色相當大膽。

嘉欣都有稍微修飾，但整體效果其實都唔錯，嘉欣亦好滿意讚囡囡：「剛化完呢個妝，我個女就好興奮（牀上跳跳跳）！我覺得我個女唔化妝最靚，因為化咗太成熟。而佢幫我化呢個Elsa妝，我覺得都唔差嘅，我畀佢pass。」

 

嘉欣都有幫囡囡化妝。

嘉欣覺得囡囡唔化妝最靚，因為化咗太成熟。

嘉欣話一對子女：「They give meaning to my life.」

 

嘉欣早前帶細仔返香港。

同老公超恩愛。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ