锺嘉欣五岁囡囡做小小化妆师 帮妈咪扫湖水绿眼影变Elsa

锺嘉欣虽然失落视后，但有老公仔女就万事足，曾扬言：「我心中最大嘅奖已经赢咗！」返到加拿大之后，嘉欣继续做贤妻良母之馀，亦有不时拍片放上自家频道Youtube，同粉丝分享生活点滴。

昨日嘉欣就同5岁半大嘅大女Kelly一齐扮靓，一开始Kelly有少少怕羞，但有嘉欣妈咪喺身边，好快就warm up，动手帮妈咪化妆。Kelly有私家嘅化妆盒，拎起眼影扫帮嘉欣扫上湖水绿色眼影，用色相当大胆，令嘉欣都吓一吓，忍唔住话：「你系咪谂住将我变成Elsa（卡通《魔雪奇缘》公主）？」仲连眼袋位置都化埋，搽唇膏时又有少少出界，Kelly笑住口话：「monster妈咪」。

Kelly一开始都有少少怕羞。

Kelly帮手做小小化妆师。

拎起眼扫，有板有眼。

帮嘉欣扫上湖水绿色眼影，用色相当大胆。

嘉欣都有稍微修饰，但整体效果其实都唔错，嘉欣亦好满意赞囡囡：「刚化完呢个妆，我个女就好兴奋（牀上跳跳跳）！我觉得我个女唔化妆最靓，因为化咗太成熟。而佢帮我化呢个Elsa妆，我觉得都唔差嘅，我畀佢pass。」

 

嘉欣都有帮囡囡化妆。

嘉欣觉得囡囡唔化妆最靓，因为化咗太成熟。

嘉欣话一对子女：「They give meaning to my life.」

 

嘉欣早前带细仔返香港。

同老公超恩爱。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ