Juicy叮｜港鐵女子疑遭偷拍裙底 眼鏡男公事包藏鏡頭掃腿

有網民上載影片，指女友人乘搭港鐵時疑遭偷拍裙底，一名男子異常靠近，並用公事包不斷磨擦她的腿，女友人感奇怪遂拿起手機拍下其舉動，發現男子公事包內藏有迷你攝影機！

該名網民在網上討論區「連登」發文，指女友人昨晨乘搭港鐵荃灣綫前往中環上班時，一名衣着斯文的男子站近，並用公事包不停磨擦她的腿部，她感奇怪就拍下男子的舉動。從片段可見，一名身穿裇衫西褲及黑色風褸的眼鏡男，拿着一個黑色公事包並放在小腿位置，公事包一部分拉開，內藏一部懷疑迷你攝錄機，且鏡頭向上；該名男子似乎沒為意被拍攝，只低頭看手機。

樓主表示，翻查攝錄機的型號，機身不足一隻手掌長度，而男子的公事袋差不多兩隻手掌之深，「要擺個鏡頭喺呢個位置唔跌落去，一定要好刻意喺個底到擺啲嘢墊起佢」，又指鏡頭的角度「唯一作用就係拍裙底」。不過樓主指，由於女友人當時過於驚慌，沒有大聲對質，男子其後於太子站下車。

帖文引起熱議，不少網民都相信該名男子偷拍裙底，「公道啲講句，唔通拉鏈咁啱開咗支cam咁啱放喺嗰到咩，附近冇人着裙，個男人都已經係算搵緊目標啦」、「好明顯（偷拍）啦，呢啲遇着個大膽啲嘅女仔遲早出事」；另外亦有網民指曾遇過涉事男子，「兩星期前當時在車廂中見佢又係咁揸住呢個袋，行去個女仔A附近停留。當A走了，又行去女仔B附近重施故技」。

不過有網民就認為，女事主應當場對質及立即報警，而非事後公開影片，助長對方的行為，「其實你（樓主）個fd都影到咁，唔差在對埋質啦」、「夠膽影人，又唔夠膽嗌救命」。

資料來源：「連登」

更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ