陳豪同家人玩同屋隔離 戴住口罩匿喺露台囡囡送餅慰勞

陳豪家有老婆又有三個仔女，因為之前要趕拍劇，所以為保護家人佢出外會戴兩個口罩，甚至連瞓覺都唔除，當時佢仲話差唔多24小時都會戴住口罩。「我以前返大陸都係咁樣，一係唔戴，一戴就長時間，除咗食飯、沖涼。都已經見到我塊面成日有個『印』喺度。其實唔係要防護我自己，係要對佢哋有個保護。」為咗屋企人，陳豪仲話工作以外嘅時間，盡量避免出現喺人多嘅地方，而他近日拍攝中嘅新劇《破毒強人》 已經停拍外景，而廠景則繼續進行。

陳豪早前出活動也戴上兩個口罩。 ​

原來唔只咁樣，陳豪為抗疫，只要喺屋企都會匿喺露台，雖然只得一張枱仔嘅小天地，但可以望住無敵極Wide大海景做嘢，都已經好好，另外，佢就算喺露台做嘢但依然會戴口罩，已經關晒玻璃門都唔會掉以輕心。

陳豪匿喺露台都唔夠仲要戴埋口罩。

個海景好正，但咁樣坐成日都好辛苦啫。

囝囝隔住玻璃睇住爸爸。

好鍾意拍片嘅陳太又拍咗段片，細女Camilla拎住啲餅畀爸爸食，陳豪大讚囡囡好Sweet，氹到囡囡微微嘴笑，由於要同爸爸同屋分隔，三個仔女同老婆都會久不久隔住玻璃門探老公，好似去咗動物園睇動物咁，都幾好笑。陳茵媺出PO留言，「Camilla wanted to bring a #snack 🥙🍪🍰 to "Daddy Camper" 🥰🥰🥰. He has been #chilling and camping outside the balcony for the past few days other then when he goes to bed. #justtobesafe」。簡單講，即係個女想拎嘢食畀爸爸食，又指老公呢幾日為咗安全都去露台生活直至上床瞓覺，真係辛苦晒陳豪。

囡囡拎餅畀爸爸食。

陳豪一拎完都盡快關門。

陳豪讚囡囡好Sweet。

仔女及陳茵媺一齊去探陳豪。

陳茵媺喺小朋友後面呀。

陳茵媺好熱衷分享家庭生活。

 

更多新冠疫情資訊請到以下專頁瀏覽：（按此）


 立即下載｜全新《星島頭條》APP：https://bit.ly/3yLrgYZ