獨家丨鍾雨璇恨有代表作入樂迷心改名簽公司重新出發

2022-02-28 23:30

早前出席新城勁爆頒獎禮暈倒的鍾雨璇（前名蘇慧恩、Ophelia），現在身體已回復健康，看似好黑仔，但她認為自從改名後，反而有不少好機遇，由為美容院唱主題曲，繼而成為代言人兼簽約新公司，可以不用再自資出歌，有公司支持製作，未來她最希望能夠有首代表作，能夠打入樂迷心，留下深刻印象。採訪：杜淑霞攝影：沈健程

Ophelia認為改名後，事業確實比以前更順利。

Ophelia未來會繼續主力做電子音樂，跟不同DJ或者Rapper合作。

本名蘇慧恩的Ophelia，去年底決定改名鍾雨璇，因有感入行幾年發展仍不如理想，「有個宣傳人員同我講，蘇慧恩用咗好耐冇乜起色，不如改個新名重新出發啦！我搵咗幫屋企睇開風水嘅師傅改，中間有個雨字，因為我需要水，同埋我又需要金，師傅話不如改跟媽咪姓，鍾係金字邊。」不過原來早在入行前有想過不用本名，所以都覺得後悔改得太遲，至於連姓都改，似乎不太尊重家人，她就解釋：「我問准晒爹哋媽咪，我跟媽咪姓，爹哋都覺得冇所謂，最緊要我開心，其實一直以嚟最開心就係有屋企支持自己。」

新歌《蛻變》Ophelia覺得曲風有點似詩歌，好有正能量。

《蛻變》MV，由Ophelia跟小女孩及巨型貓公仔合演。

遺憾冇參加《造星III》

Ophelia覺得發展不似預期，包括前年錯失參加《全民造星III》機會，令她相當遺憾，「有啲後悔，應該係遺憾，嗰年畀已出道玩嘅《全民造星》我冇去到，當時有個大學同學推薦我入去玩，都好大機會入到圍，但係我自己冇好好把握機會，我諗得太多冇去到面試，我好遺憾，有時諗返都會喊。」原來當時她剛推山新歌《潛伏與蒙蔽》，想先做好宣傳因而錯過機會。

MV中，Ophelia以多個造型亮相，包括運動Look。

Ophelia的愛貓白雪雪，亦有份拍攝MV。

改名後的Ophelia，已即時有新機會，因獲演繹美容院主題曲《蛻變》機會，不但成為代言人，更得到公司簽約支持做音樂，「我過五關斬六將Casting中咗，感覺好似返番細個玩《超級巨聲》咁，中咗之後，佢仲搵咗我做美容院代言同埋嚟緊寵物保健食品嘅代言，最開心係公司話反正都會贊助一啲演唱會同做活動，不如成立間公司幫我出歌。」簽約新公司的Ophelia，最期望有首代表作，「期望真係有首歌係有人識，唱嚟唱去都係唱畀屋企人或者朋友、fans聽，好希望有首歌好多人聽到都會知道係鍾雨璇唱，想入屋啲有首代表作，心裏面紅歌唔紅人都唔緊要，歌手有首歌真係好多人識，都會好開心。」