獨家丨梁朝偉首回應會否拍《尚氣》續集 同蜘蛛仔爭影帝行商場睇畫減壓

2022-02-28 23:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      偉仔拍《尚氣》好受歡迎,雖然個角色已經死咗,但好多影迷都希望續集再見到佢!
      偉仔拍《尚氣》好受歡迎,雖然個角色已經死咗,但好多影迷都希望續集再見到佢!

      梁朝偉(偉仔)首度進軍荷里活之作《尚氣與十環幫傳奇》,去年全球票房大收4.32億美元(約33億港元),雖然貴為國際級影星多年,但偉仔仍然貫徹低調生活。日前本報記者又在中環見到梁影帝,冇錯!偉仔行街路線次次都差不多,今次有少少新鮮感,喺置地過埋ifc間蘋果專門店買嘢。着黑色風褸配長褲的偉仔繼續孭住個好熟口面嘅藍色背囊,翻查資料佢已經孭咗5年,都仲好新淨。雖然有傳佢每部戲收6千萬港元片酬,但佢依然慳家,仲好Nice回應記者會唔會拍《尚氣》續集𠻹!採訪:張詠森

       

      偉仔一支公行街,見到記者都笑笑口,露晒腰果眼。
      偉仔一支公行街,見到記者都笑笑口,露晒腰果眼。

       

      偉仔貴為國際級影星,但衣著貫徹低調作風。
      偉仔貴為國際級影星,但衣著貫徹低調作風。

       

      Tom Holland同偉仔爭影帝。
      Tom Holland同偉仔爭影帝。

       

      近年因為疫情肆虐,各行各業都受影響,偉仔自前年起其實都接咗幾部戲,包括與劉德華合作的《金手指》、與郭富城合作的《風再起時》、與周迅合作的《無名》等,全部都已經煞科,但似乎都因為疫情影響,仍未安排何時上映,當然宣傳都未知幾時做。不過都恭喜偉仔先,因為佢剛憑《尚氣》在《Critics Choice超級頒獎禮》獲「最佳超級英雄片男演員」及「最佳電影奸角」兩項提名,與片中兒子劉思慕及「蜘蛛仔」Tom Holland等爭「超英」影帝。之前難得在港見到偉仔,記者都有上前問多兩句,他均以點頭及搖頭示意,得知他會留港過年,暫時無需到內地工作,相信大把時間留港休息呀!

       

      呢個藍色背囊好熟口面!
      呢個藍色背囊好熟口面!

       

      冇錯!個背囊偉仔由2017年已經孭緊。
      冇錯!個背囊偉仔由2017年已經孭緊。

       

      似老婆有睇靚畫癮

      偉仔當日由置地廣場行去ifc間蘋果專門店,一嚟就搵職員問問題,睇嚟一早已經睇中產品。他企埋一邊撳住電話等,由一名女職員拎出產品給他查看,由於他沒購物袋,相信是將產品放在背囊,十分環保。之後行往攞車途中,看到有賣畫的店舖都入去行個圈,現場的畫作售價大約6千至幾萬不等,果然同老婆劉嘉玲一樣,有鋪收藏靚畫癮。不過今次偉仔應該睇唔啱嘞,最後都冇收穫。

       

      一踏入蘋果專門店門口,偉仔已經問職員問題,似乎一早已經睇中要買嘅嘢。
      一踏入蘋果專門店門口,偉仔已經問職員問題,似乎一早已經睇中要買嘅嘢。

       

      行街有收穫!
      行街有收穫!

       

      買完嘢,偉仔將貨品擺埋落背囊,十分環保。
      買完嘢,偉仔將貨品擺埋落背囊,十分環保。

       

      偉仔買完心頭好,行去畫舖睇畫。
      偉仔買完心頭好,行去畫舖睇畫。

       

      劉嘉玲都非常鍾意收藏靚畫,睇嚟偉仔同老婆興趣相近。
      劉嘉玲都非常鍾意收藏靚畫,睇嚟偉仔同老婆興趣相近。

       

      見記者親民笑笑口

      偉仔等升降機時,記者上前問兩句,「最近都喺香港?」偉仔都笑住點頭,仲搖頭示意暫時唔使返內地工作,雖然見唔到個口但從其腰果眼可見笑住答記者,真係又Nice又可愛。去年12月,漫威已經同《尚氣》導演Destin Daniel Cretton簽咗合約開拍續集,甚至串流平台Disney+都話會製作《尚氣》外傳劇,記者都好奇偉仔有冇份拍呢?偉仔就回應:「我唔知呀!」最後他搭升降機去攞車,臨走仲同記者講再見,非常親民。

       

      偉仔臨走仲同記者講再見,十分親民。
      偉仔臨走仲同記者講再見,十分親民。

       

      2018年起,偉仔改由老婆嘉玲做經理人,呢個老婆咁幫得手,真係冇娶錯。
      2018年起,偉仔改由老婆嘉玲做經理人,呢個老婆咁幫得手,真係冇娶錯。

       

      偉仔2019年接拍《尚氣與十環幫傳奇》,是他首度闖荷李活之作。
      偉仔2019年接拍《尚氣與十環幫傳奇》,是他首度闖荷李活之作。

       

      《尚氣與十環幫傳奇》於全球大賣4.32億美元。
      《尚氣與十環幫傳奇》於全球大賣4.32億美元。

       

      偉仔去年接拍《金手指》與劉德華再合作,但受疫情影響,拍完都未上得。
      偉仔去年接拍《金手指》與劉德華再合作,但受疫情影響,拍完都未上得。

       

      偉仔另一部拍完未上到畫的電影《風再起時》,與郭富城相隔33年再合作。
      偉仔另一部拍完未上到畫的電影《風再起時》,與郭富城相隔33年再合作。

       

      更多第5波疫情資訊,請到以下專頁瀏覽(按此)


      立即下載|全新《星島頭條》APP:https://bit.ly/3yLrgYZ

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策