Juicy叮｜不願WFH自動請纓返公司 港爸：唔想每日喺屋企對住囝囝

本港疫情嚴重，不少公司安排員工在家工作。一名網民於討論區發文指，上司欲找一名同事每日可返回公司上班，代為處理事務，其一名男同事竟自動請纓，解釋指不想每日留在家中面對兒子，故寧願返公司工作。

該名網民於「香港討論區」發文指，受疫情影響，其公司已安排員工在家工作逾一個月。近日上司突然詢問，「問我地有冇人肯每日返office（辦公室）」，並解釋因他每星期都要回公司處理信件或fax（傳真），認為效率太低，而且他不想每星期特意返回辦公室，故想找同事代為處理。

樓主認為現時疫情嚴重，預計沒有同事願意回公司。沒料一名男同事竟自動請纓，主動要求返回公司上班，並稱「佢日日喺屋企要對住個仔，根本唔可以專心做嘢」，而且妻子現時亦在家工作，故寧願返公司工作。樓主聞言有感，「原來屋企有小朋友嘅同事WFH（在家工作）係咁辛苦」。

帖文引起網民熱論，有網民認為該名男同事只是視公司為避難所，「佢返咗工，咁佢老婆咪變咗又要WFH又要自己一個睇住小朋友？」、「家家有本難念的經」；亦有網民認為在辦公室工作效率較佳，「自己一個喺office靜靜哋做嘢一定專心好多」、「始終喺公司易做嘢好多，同埋有咩突發嘢都可以處理」。

資料來源： 香港討論區

更多新冠疫情資訊請到以下專頁瀏覽：（按此）
 立即下載｜全新《星島頭條》APP：https://bit.ly/3yLrgYZ