Juicy叮｜西環櫃員機有人遺大疊500元 街坊路不拾遺獲讚
2022-02-21 10:02 
路不拾遺是美德。有網民在西環一部銀行櫃員機發現大疊500元紙幣無人認領，懷疑有人提款後忘記取錢；樓主為免引人懷疑，便待櫃員機自動收回金錢，並發文提醒失主，獲街坊大讚！
該名網民在社交媒體Facebook群組「西環變幻時」上載圖片及發文，指上周五（18日）於石塘咀屈地街一間銀行的櫃員機，發現有街坊懷疑提款後「唔記得拎錢」，遺下大疊500元「大牛」，估計價值達數千元。樓主見狀，特意待櫃員機自動收回金錢才離開，並拍下照片提醒失主，「我睇住部機食返晒，一條毛都無少到，自己同銀行處理返」。
樓主路不拾遺的行為引起街坊大讚，「將心比心，樓主真好，香港仍然人間有情」、「樓主你係好人，祝福你」；亦有網民討論正確處理方法，「終於唔係拎咗出來，等佢自己食返，正確做法」、「通知返發卡銀行，要等櫃員機嗰間check咗，先會過返入戶口，亦會有信收到，時間大概4星期」。
資料來源：「西環變幻時」FB
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
關鍵字
最新回應