第5波疫情丨張名雅戴孖口罩護目鏡仍然失守被兒子傳染宣告初步確診

2022-02-23 23:59

前港姐張名雅日前喺IG貼相及撰寫長文，自爆兩個囝囝Mario及Milo初步確診，大仔Mario更高燒至40度，幸好經過休息、食藥、多喝水後，兩兄弟已經退燒，而且已經好得八八九九，因此分享孩子嘅病徵及確診經過，希望可以畀其他病童家長參考。為咗照顧患病兒子，張名雅夫婦亦提高防疫界線，除咗戴上護目鏡外，仲會戴兩個口罩，幾日嚟快速檢查兩公婆都係呈陰性反應，點知今晚張名雅突然喺社交網自爆失守同樣中咗招：「發現自己照顧仔(囝囝) 期間都被傳染了。」不過，眼見兩子漸漸康復過來，就算病咗都感到安慰：「真的非常感恩大家都平安。」

張名雅大仔Mario一度發高燒到40度。

兩個囝囝中招後都身體不適，幸未算嚴重。

中咗招嘅張名雅依然好索。

張名雅連日來提高防疫去照顧患病小朋友。

今晚她在社交網貼圖文，身穿睡衣，帶點病容素顏的張名雅比濃妝艷抹更索，她寫道：「自從上星期發現Mario開始唔舒服後，我地（哋）超過一星期沒有出過屋了。（自我隔離）雖然每天困在家中照顧兩個小朋友真的挺累的。然後發現自己照顧仔期間都被傳染了。不過，真的非常感恩大家都平安。我們都在康復的路上。兩個仔第二日一退燒就生猛灑(晒)，通屋跑。我們一家會確保重複檢測到陰性結果才會踏出屋門口，做好自己嘅責任，愛護香港。呢幾日來多謝大家嘅關心同問候。多謝親友連日來送物品，新鮮送（餸）菜，肉類，麵包蛋糕等等物資到屋企門前。每次拿嘢入屋都確保佢地（哋）已經離開我先敢開門，同埋多謝屋苑嘅幫助同配合，幫手送達物件到屋企門前等等。最近外面越（愈）來越（愈）多個案，大家都要加培（倍）小心，染病嘅朋友要加油快D（啲）好返！一切會好起來的！」最後她透露超過一個星期無化過妝，超過一星期無出屋自我隔離，超過一星期每日都係著(着)睡衣。