朱智賢發冷又發熱快檢證無事 去睇醫生遇意外淋雨導致出風癩

2022-02-21 18:00

朱智賢自爆近日禍不單行,身體不適去睇醫生,卻發生撞車小意外。
朱智賢自爆近日禍不單行,身體不適去睇醫生,卻發生撞車小意外。

朱智賢在社交網透露近日禍不單行,身體不舒服發冷發熱,先後做了兩次新冠快速測試結果呈陰性,因為第二日未退燒決定去看醫生,點知回家途中發生撞車小意外,在十度氣溫下,橫風橫雨落車搞了個多小時,她不單被淋濕凍到震,還出埋風癩。好彩第三日再做快速測試仍然是陰性,相信自己只是冷親,又提醒大家在非常時期,家中要有快速測試看門口,加上近日天氣寒冷多穿衣,不要病倒。

 

朱智賢近日病倒,她表示全身肌肉都好痛。
朱智賢近日病倒,她表示全身肌肉都好痛。
朱智賢提醒要買快速檢測包看門口。
朱智賢提醒要買快速檢測包看門口。
朱智賢發燒都幾嚴重。
朱智賢發燒都幾嚴重。

 

詳述不適經過的朱智賢留言:「第一天,一早瞓醒條腰好酸,冇乜為意,以為係前一晚拉筋拉得太狠所以有啲酸。然後到咗下午覺得個人好攰好攰,嘗試去瞓覺,喺被窩入面捲縮了1小時手腳還是很冰冷,凍到無法入睡。再過多陣,身體開始發熱,隨之而來就是全身肌肉酸痛,馬上食兩粒Panadol,做一次快速測試 - 結果negative。到了晚上成晚都瞓唔着,體溫一直在101以上,全身好熱好熱,踢開啲被又會發冷,全個身體啲肌肉都好痛,捵嚟捵去點都瞓唔到,就係咁過咗一個好辛苦嘅晚上。」

 

快測呈陰性。
快測呈陰性。
換牌子檢測都無事。
換牌子檢測都無事。
朱智賢用三款來檢測,好安全。
朱智賢用三款來檢測,好安全。

 

朱智賢續道:「第二天,到了早上依然都係冇退燒,再做多次快速測試- 結果依然係negative!然後決定去睇醫生,睇完醫生打算返屋企好好休息,點知遇上小小的車輛碰撞,橫風橫雨又10度之下仲要落車搞咗個幾鐘,對鞋濕晒,頭髮又濕,風癩又出埋,凍到成個人震晒。第三天,燒已退,再做多一次快速測試,依然都係negative!所以大家不用擔心,我只係冷親。三次快速測試,分別用咗三隻不同牌子去測。所以話身體健康幾時都係最重要!喺呢啲非常時期,最好就唔好病啦!同埋奉勸大家屋企最好有快速測試劑守門口,如果唔係到你有少少唔舒服嘅時候你就會好騰雞。天氣凍,大家記得著多件衫。」

 

車輛碰撞要冒寒淋雨落車處理。
車輛碰撞要冒寒淋雨落車處理。
凍到震的朱智賢最後出埋風癩。
凍到震的朱智賢最後出埋風癩。

 

更多第5波疫情資訊,請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad