七師傅教Eric Kwok着性感啲去見高層代環球與商台破冰

2022-02-19 17:30

Eric Kwok郭偉亮早前推出新歌《等埋你》，旋律優美甜美但歌詞「死死聲」，就連Eric本人都怕唱得多會影響運勢，特意找七仙羽師傅指點迷津。Eric擔心歌詞中「是籌備同一婚禮或預備同一喪禮/以後都一齊化做兩隻鬼」不吉利，怕唱得多會突然心臟病發，師傅冷靜答：「我唔擔心你會死，睇你隻耳都好長，冇咁快死嘅。」

《等埋你》MV畫面是由Eric與老婆Grace葉佩雯遊日片段組成，師傅一見到Grace就說：「咁後生嘅，夠秤未呀？」提到老婆，Eric擔心自己比老婆早死，剩下對方會很痛苦，師傅妙回：「你老婆咁靚一定有人要，會唔會幫佢提前搵定個男人先呀？退一步海闊天空嘛，搵定先可以了咗件心事嘛！」Eric再問：「怕成日唱唔吉利，可能本身80歲，一唱完下年就⋯⋯」，師傅一本正經說：「要同大家普及一下，生命嘅長短唔係在乎活咗幾長時間，有啲人行屍走肉，拖拉到八、九十歲又有咩意思呢？你人生咁精采，留低咁多作品，又咁靚仔咩都見識過，咁先係有意義嘛！」

Eric怕新歌成日唱唔吉利，會死先過老婆。

Eric Kwok搵七師傅指點迷津。

談完自身運程，Eric向師傅請教環球唱片何時會與商台破冰？七師傅笑說：「佢哋鬧交梗係假㗎啦，私底下不知幾friend，我都同佢哋食過飯。」她又指點Eric：「商台CEO好靚女，你要去擦佢鞋嘛！」Eric立即刻反問：「即係我代環球去破冰？」師傅再反問：「破冰啫有乜咁大不了？」

師傅繼續教路，說：「你去佢屋企敲下門，着得性感啲，一絲不掛都冇問題，百無禁忌！你話『今日嚟幫你破啲嘢』，你幫佢破先，因為你依家要商台播你隻歌嘛！最緊要目標清楚，擒賊先擒王！」她更說：「你入到去我保證商台一定播你啲歌，佢唔播我幫搞埋其他人，我會搞少爺占、再搞Donald，搞埋森美再搞小儀，入面啲DJ我逐個搞！」連番妙問妙答令Eric捧腹大笑。