黃梓豪疑偷食兼吸大麻道歉被批欠誠意試當真IG即Unfollow割席

2022-02-18 16:30

曾参加《全民造星II》40強止步的22歲前職業足球員黃梓豪，去年加入YouTube頻道「試當真」，以為冇乜浮起過嘅演藝事業露曙光，點知又被舊愛爆黑歷史。日前黃梓豪於IG限時動態宣佈暫時退出「試當真」幕前工作，網民將重點放在「暫時退出」四字上，明顯唔收貨，事關偷食本身都有損形象，加埋疑似吸食大麻屬犯法行為，認為黃梓豪於IG限時動態就咁出個道歉Po欠誠意。另外黃梓豪單方面稱暫時退出「試當真」幕前工作，令人感覺仲有得留低，不過網民昨日（17日）發現「試當真」IG，已經Unfollow咗黃梓豪，睇嚟合作關係都好難返轉頭嘞！

黃梓豪去年加入「試當真」。

「試當真」似乎已經決定放棄黃梓豪。

黃梓豪出事後於IG道歉，但網民覺得冇乜誠意。

有向前女友公開道歉。

網民唔收貨。

網民關注重點喺「暫時退出」4個字度！

網民質疑黃梓豪疑似吸毒，但道歉就算。

日前「連登討論區」有網民代朋友出Po，爆料人聲稱2019年年尾開始與黃梓豪拍拖，2年間黃梓豪不斷出軌，直至去年12月分手，但仍然有繼續聯絡，「到今年1月一齊返，但之後就開始一直對我冷暴力，成個月唔肯出嚟見我，仲一直用啲好荒謬嘅藉口拒絕見面。到最後分手，我哋兩個人之間嘅問題，佢居然搵佢屋企人介入解決，成年人都要搵老母做擋箭牌。」女方稱自己由黃梓豪寂寂無名時就同對方一齊，陪伴對方度過低潮期，自男友加入娛樂圈就一直諗辦法提出分手。她稱在網上爆料是希望不要有下個受害者，叫大家唔好被黃梓豪嘅陽光純真形象呃到。

黃梓豪日前被舊愛爆黑歷史。

該網民仲上載多張WhatsApp對話截圖，其中除了爆料人與黃梓豪的對話，還有黃梓豪與好友及前女友的對話。爆料人又指黃梓豪一直有吸食大麻及約炮的習慣，又背女友Send訊息求前女友復合，私下更說出侮辱女性的言論：「啲女人X得佢哋舒服就咩都講得出口。」黃梓豪幕前陽光乖仔形象破滅，前日（16日）於IG出Po回應：「我決定暫時退出試當真幕前工作，會深切反省自己以及好好改過，感激所有關心我嘅人，對唔住，要你哋擔心，我會繼續努力。」不過網民仍然唔收貨，睇嚟想佢宣佈永遠退出娛樂圈噃！