第5波疫情丨洪嘉豪有份幫AK Alton拍MV 報平安檢測呈陰性

2022-02-18 02:30

近日本港爆發第5波疫情，娛樂圈都爆發群組染疫，日前MIRROR成員Anson Kong（江𤒹生）及Alton（王智德）拍攝新歌MV，同場有過百人，當中更有多名歌手參與拍攝。日前有指現場有工作人員染疫，而有份參與拍攝的陳健安（On仔）、ONE PROMISE成員Anton及天衡都不幸中招，「MV群組」隨時大爆發。

AK即將推出新歌，今次同Alton合唱，日前仲搵咗好多歌手一齊拍MV。

有份幫手拍MV的On仔不幸中招。

ONE PROMISE成員Anton及天衡都不幸中招。

昨日（17日）同樣有份拍攝AK及Alton新歌MV的洪嘉豪，亦在IG出Po報平安，稱已得知檢測結果呈陰性，叫大家唔使擔心，亦多謝大家關心。不過他亦表示近期盡量都唔會出街：「因為原來真係好可怕，所以今次想叫大家唔好及時行樂住，多啲留喺屋企😖，聽《及時行樂》保佑你身體健康。」咁都搵到位Sell新歌，真係叻豬呀！咁大家就聽嘉豪講，留在家中《及時行樂》嘞！

洪嘉豪日前都有份幫AK同Alton拍MV。

出Po報平安。

而另一位有份參與MV拍攝的MIRROR成員Frankie（陳瑞輝），昨日亦在IG限時動態分享做快速測試呈陰性的照片，並報平安表示：「安全呀！唔使擔心，各位都take care！」而MV主角之一的Alton亦於IG出Po表示：「I am okay, stay safe, still GING.」蛋白粉（Alton Fans暱稱）都留言話放心晒呀！